zsto

AUGUSTUS

 

Die 1 augusti

S. ALFONSI MARlÆ DE’ LIGUORI,
EPISCOPI ET ECCLESIÆ DOCTORIS

Memoria

Natus est Neapoli anno 1696; doctor utriusque iuris renuntiatus, ad sacerdotium accessit et Congregationem a Sanctissimo Redemptore nuncupatam instituit. Ad vitam christianam fovendam in populo prædicationi incubuit et libros conscripsit, præsertim de re morali, cuius disciplinæ magister habetur. Episcopus Sanctæ Agathæ Gothorum electus, munus paulo post dimisit et apud suos Nuceriæ Paganorum (Pagani) in Campania mortuus est anno 1787.

De Communi Pastorum: pro episcopis, et Doctorum Ecclesiæ.

De Communi Doct. Ad Invitatorium
De Communi Doct. Ad Officium lectionis
    Lectio altera
De Communi Doct. Ad Laudes matutinas
De Communi Doct. Ad II Vesperas

Oratio

Deus, qui in Ecclésia tua nova semper instáuras exémpla virtútum, da nobis in zelo animárum beáti Alfónsi Maríæ epíscopi ita vestígiis adhærére, ut eius in cælis assequámur et præmia. Per Dóminum.

 

Die 2 augusti

(Eodem die S. Petri Iuliani Eymard)

S. EUSEBII VERCELLENSIS, EPISCOPI

In Sardinia natus est initio sæculi IV et, Romæ in clerum adscitus, anno 345 primus episcopus Vercellensis electus est. Religionem prædicatione propagavit et vitam monasticam instituit in sua diœcesi. Propter fidem, ab imperatore Constantino in exsilium pulsus, multa perpessus est. In patriam reversus strenue adlaboravit pro fidei restauratione contra Arianos. Mortuus est Vercellis anno 371.

De Communi Pastorum: pro episcopis.

De Communi Past. Ad Invitatorium
De Communi Past. Ad Officium lectionis
    Lectio altera
De Communi Past. Ad Laudes matutinas
De Communi Past. Ad II Vesperas

Oratio

Fac nos, Dómine Deus, in asserénda Fílii tui divinitáte, sancti Eusébii epíscopi constántiam imitári, ut, fidem servántes quam ipse dócuit, eiúsdem Fílii tui vitæ partícipes esse mereámur. Per Dóminum.

 

Eodem die 2 augusti

S. PETRI IULIANI EYMARD, PRESBYTERI

Natus est in oppido La Mure, in Gallia, anno 1811. Sacerdotio auctus et pastorali curæ per aliquot annos addictus, Societatem Mariæ ingressus est. Eximius eucharistici mystérii cultor, religiosorum, tum virorum cum mulierum, congregationes ad cultum eucharisticum intendentes instituit, atque ad fovendum apud cuiusvis condicionis gentes amorem erga sanctam Eucharistiam plurima atque aptissima duxit incepta. Mortuus est die prima mensis augusti 1868, in oppido natali.

De Communi pastorum: pro presbyteris, vel sanctorum virorum: pro religiosis.

Ad Invit. de Com. Past. vel Pro Rel.
Ad Off. lect. de Com. Past. vel Pro Rel.
    Lectio altera
Ad Laud. mat. de Com. Past. vel Pro Rel.
Ad II Vesp. de Com. Past. vel Pro Rel.

Oratio

Deus, qui beátum Petrum Iuliánum, erga sacra mystéria Córporis et Sánguinis Fílii tui dilectióne decorásti mirífica, concéde propítius, ut, quam ille ex hoc divíno percépit pinguédinem, eándem et nos percípere mereámur. Per Dóminum.

 

Die 4 augusti

S. IOANNIS MARIÆ VIANNEY, PRESBYTERI

Memoria

Apud Lugdunum natus est anno 1786. Multis difficultatibus superatis, sacerdotio initiari potuit et parœciam sibi concreditam in pago Ars in diœcesi Bellicensi (Belley), actuosa prædicatione, mortificatione, oratione et caritate mirum in modum gubernavit et provexit. Cum in pænitentibus adiuvandis magni haberetur, undique fideles ad eum accurrebant eiusque consilia sancte suscipiebant. Mortuus est anno 1859.

De Communi Pastorum: pro presbyteris.

De Communi Past. Ad Invitatorium
De Communi Past. Ad Officium lectionis
    Lectio altera
De Communi Past. Ad Laudes matutinas
De Communi Past. Ad II Vesperas

Oratio

Omnípotens et miséricors Deus, qui sanctum Ioánnem Maríam presbýterum pastoráli stúdio mirábilem effecísti, da, quæsumus, ut, eius exémplo et intercessióne, fratres in caritáte Christi tibi lucrémur, et cum eis ætérnam glóriam cónsequi valeámus. Per Dóminum.

 

Die 5 augusti

IN DEDICATIONE BASILICÆ S. MARIÆ

Post concilium Ephesinum (431) in quo mater Iesu Deipara acclamata est, Romæ in Esquiliis a Xysto III (432-440) erecta est basilica in honorem Sanctæ Dei Genetricis dicata, et postea «Sancta Maria Maior» nuncupata. Hæc est in occidente antiquior ecclesia in honorem beatæ Mariæ Virginis dedicata.

De Communi Beatæ Mariæ Virginis, præter sequentia:

Oratio

Famulórum tuórum, quæsumus, Dómine, delíctis ignósce, ut, qui tibi placére de áctibus nostris non valémus, Genetrícis Fílii tui intercessióne salvémur. Per Dóminum.

 

Die 6 augusti

IN TRANSFIGURATIONE DOMINI

Festum

 

Die 7 augusti

(Eodem die S. Caietani)

SS. XYSTI II, PAPÆ, ET SOCIORUM, MARTYRUM

Episcopus Romanæ Ecclesiæ ordinatus est anno 257; anno vero sequenti dum in cœmeterio Callisti sacram liturgiam celebrabat, ex edicto Valeriani imperatoris, a militibus deprehensus, una cum quattuor diaconis Romanis extemplo occisus est die 6 mensis augusti. Sepultus est in eodem cœmeterio.

De Communi Plurimorum Martyrum.

De Communi Mart. Ad Invitatorium
De Communi Mart. Ad Officium lectionis
    Lectio altera
De Communi Mart. Ad Laudes matutinas
De Communi Mart. Ad II Vesperas

Oratio

Quæsumus, omnípotens Deus, ut nos, virtúte Spíritus Sancti, et ad credéndum dóciles et ad confiténdum fortes effícias, qui beáto Xysto eiúsque sóciis, propter verbum tuum et testimónium Iesu, ánimas suas pónere tribuísti. Per Dóminum.

Eodem die 7 augusti

S. CAIETANI, PRESBYTERI

Natus est Vicetiæ (Vicenza) anno 1480. Patavii studio iuris incubuit et, sacerdotio initiatus, Romæ ad apostolatum promovendum societatem instituit Clericorum regularium, quam et propagavit in dicione Veneta et in regno Neapolitano. Assiduus fuit in oratione et in caritate erga proximum exercenda. Mortuus est Neapoli anno 1547.

De Communi Pastorum: pro presbyteris, vel Sanctorum Virorum: Pro Religiosis.

Ad Invit. de Com. Past. vel Pro Rel.
Ad Off. lect. de Com. Past. vel Pro Rel.
    Lectio altera
Ad Laud. mat. de Com. Past. vel Pro Rel.
Ad II Vesp. de Com. Past. vel Pro Rel.

Oratio

Deus, qui beáto Caietáno presbýtero apostólicam vivéndi formam imitári tribuísti, eius nobis exémplo et intercessióne concéde in te semper confídere, et regnum tuum indesinénter quærere. Per Dóminum.

 

Die 8 augusti

S. DOMINICI, PRESBYTERl

Memoria

Calarogæ in Hispania natus est circiter annum 1170. Palentiæ theologiæ studuit et canonicus factus est Ecclesiæ Oxomensis. Contra hæresim Albigensium prædicatione et vitæ exemplo magno cum fructu laboravit. Ad quod opus exsequendum socios sibi adscivit et Ordinem instituit Prædicatorum. Mortuus est Bononiæ anno 1221, die 6 augusti.

De Communi Pastorum: pro presbyteris, vel Sanctorum Virorum: Pro Religiosis, præter sequentia:

Ad Invit. de Com. Past. vel Pro Rel.
Ad Off. lect. de Com. Past. vel Pro Rel.
    Lectio altera
Ad Laud. mat. de Com. Past. vel Pro Rel.
    Hymnus
Ad Hor. med. de Com. Past. vel S. Virorum
Ad II Vesp. de Com. Past. vel Pro Rel.
    Hymnus

Oratio

Adiuvet Ecclésiam tuam, Dómine, beátus Domínicus méritis et doctrínis, atque pro nobis efficiátur piíssimus intervéntor, qui tuæ veritátis éxstitit prædicátor exímius. Per Dóminum.

 

Die 9 augusti

S. TERESIÆ BENEDICTÆ A CRUCE,
VIRGINIS ET MARTYRIS

Nata est Breslaviæ (Wrocław, Breslau) in Germania anno 1891 et, in iudaica religione nata et instituta, aliquot annos magnas inter ærumnas philosophiam egregie professa est. Vitam novam in Christo per baptismum suscepit et, Teresiæ Benedictæ a Cruce nomine accepto, inter Carmelitas Discalceatas Coloniæ (Köln), ubi secessit, prosecuta est. Tempore persecutionis, exsul in Nederlandia, in captivitatem trusa, anno 1942 in campum exitii Oświęcim seu Auschwitz prope Cracoviam in Polonia deportata est et mortifero vaporeenecata.

De Communi unius martyris, vel virginum.

Ad Offícium lectionis

Ad Invit. de Com. Mart. vel Virg.
Ad Off. lect. de Com. Mart. vel Virg.
    Lectio altera
Ad Laud. mat. de Com. Mart. vel Virg.
Ad Hor. med. de Com. Mart. vel Virg.
Ad II Vesp. de Com. Mart. vel Virg.

Oratio

Deus patrum nostrórum, qui beátam Terésiam Benedíctam mártyrem ad cognitiónem Fílii tui crucifíxi eiúsque imitatiónem usque ad mortem perduxísti, ipsa intercedénte concéde, ut omnes hómines Christum Salvatórem agnóscant et per eum ad perpétuam tui visiónem advéniant. Qui tecum.

 

Die 10 augusti

S. LAURENTII, DIACONI ET MARTYRIS

Festum

Diaconus erat Ecclesiæ Romanæ et martyr occubuit in persecutione Valeriani, quattuor dies post Xystum II papam suosque collegas quattuor diaconos romanos. Eius sepulcrum invenitur prope viam Tiburtinam, in agro Verano, iuxta quod Constantinus Magnus basilicam erexit. Eius cultus iam sæculo IV in Ecclesia diffusus erat.

De Communi Martyris, præter sequentia:

Oratio

Deus, cuius caritátis ardóre beátus Lauréntius servítio cláruit fidélis et martýrio gloriósus, fac nos amáre quod amávit, et ópere exercére quod dócuit. Per Dóminum.

 

Die 11 augusti

S. CLARÆ, VIRGINIS

Memoria

Assisii nata est anno 1193; civem Franciscum secuta in via paupertatis, mater exstitit et fundatrix Ordinis monialium. Vitam egit asperam, sed operibus caritatis et pietatis locupletem. Mortua est anno 1253.

De Communi Virginum, vel Sanctarum Mulierum: Pro Religiosis.

Ad Invit. de Com. Virg. vel Pro Rel.
Ad Off. lect. de Com. Virg. vel Pro Rel.
    Lectio altera
Ad Laud. mat. de Com. Virg. vel Pro Rel.
Ad II Vesp. de Com. Virg. vel Pro Rel.

Oratio

Deus, qui beátam Claram ad paupertátis amórem misericórditer adduxísti, eius nobis intercessióne concéde, ut, in paupertáte spíritus Christum sequéntes, ad tui contemplatiónem in cælésti regno perveníre mereámur. Per Dóminum.

 

Die 12 augusti

S. IOANNÆ FRANCISCÆ DE CHANTAL, RELIGIOSÆ

Divione (Dijon) in Gallia, anno 1572 nata est; nobili viro de Chantal nuptui tradita, sex habuit filios quos pie educavit. Viro vita functo, sub moderatione sancti Francisci de Sales viam perfectionis alacriter percurrit atque opera caritatis in pauperes præsertim et ægrotos exercuit. Instituto a Visitatione initium dedit, quod et sapienter direxit. Mortua est anno 1641.

De Communi Sanctarum Mulierum: Pro Religiosis.

De Communi PR Ad Invitatorium
De Communi PR Ad Officium lectionis
    Lectio altera
De Communi PR Ad Laudes matutinas
Ad Horam mediam (De Communi sanct. mulierum)
De Communi PR Ad II Vesperas

Oratio

Deus, qui beátam Ioánnam Francíscam per várias vitæ sémitas præcláris méritis illustrásti, ipsíus nobis intercessióne concéde, ut, in vocatióne nostra fidéliter ambulántes, lucis exémpla iúgiter ostendámus. Per Dóminum.

 

Die 13 augusti

SS. PONTIANI, PAPÆ ET HIPPOLYTI, PRESBYTERI, MARTYRUM

Pontianus episcopus Romæ ordinatus est anno 231; ab imperatore Maximino anno 235 una cum presbytero Hippolyto in Sardiniam relegatus est. Ibique munere se abdicavit et mortuus est. Eius corpus in cœmeterio Callisti sepultum est, corpus vero Hippolyti in cœmeterio ad viam Tiburtinam. Utrique martyri ab Ecclesia Romana iam initio sæculi IV cultus tributus est.

De Communi Plurimorum Martyrum, vel Pastorum.

Ad Invit. de Com. Mart. vel Past.
Ad Off. lect. de Com. Mart. vel Past.
    Lectio altera
Ad Laud. mat. de Com. Mart. vel Past.
Ad II Vesp. de Com. Mart. vel Past.

Oratio

Patiéntia pretiósa iustórum tuæ nobis, Dómine, quæsumus, afféctum dilectiónis accúmulet, et in córdibus nostris sacræ fídei semper exérceat firmitátem. Per Dóminum.

 

Die 14 augusti

S. MAXIMILIANI MARIÆ KOLBE, PRESBYTERI ET MARTYRIS

Memoria

Maximilianus Maria Kolbe die 8 ianuarii in Polonia natus, Ordinem Fratrum Minorum Conventualium adolescens ingressus est, et anno 1918 sacerdos in Urbe ordinatus. Filiali flagrans in Deiparam Virginem pietate, pium sodalicium, cui nomen «Militiæ Mariæ Immaculatæ», excitavit, quod tum in patria tum in aliis regionibus late propagavit. Missionarius in Iaponiam adveniens, christianam fidem sub eiusdem Virginis Immaculatæ auspiciis ac patrociniis dilatare studuit. Tandem in Poloniam reversus, plurimasque in campo de Oświęcim Cracoviensis districtus perpessus ærumnas, immani sæviente populorum conflictu, actuosam vitam in holocaustum caritatis die 14 augusti 1941 consummavit.

De Communi Martyris, vel Pastorum: pro presbyteris, præter sequentia:

Ad Invit. de Com. Mart. vel Past.
Ad Off. lect. de Com. Mart. vel Past.
    Lectio altera
Ad Laudes matutinas

Oratio

Deus, qui sanctum Maximiliánum Maríam, presbýterum et mártyrem, amóre Vírginis Immaculátæ succénsum, animárum zelo et próximi dilectióne replevísti, concéde propítius, ut, eo intercedénte, pro tua glória in servítio hóminum strénue laborántes, usque ad mortem Fílio tuo conformári valeámus. Per Dóminum.

 

Die 15 augusti

IN ASSUMPTIONE BEATÆ MARIÆ VIRGINIS

Sollemnitas

Post Completorium convenienter dicitur ant. Ave, Regína cælórum.

 

Die 16 augusti

S. STEPHANI HUNGARIÆ

Natus est in Pannonia circa annum 969; baptismate suscepto, rex Hungariæ coronatus est anno 1000. In subditis regendis iustus, pacificus, pius fuit, leges Ecclesiæ ad amussim servans et bonum subditorum quærens. Plures episcopatus fundavit et vitam Ecclesiæ maxime fovit. Mortuus est apud Albam Regalem (Szekesfehérvar), anno 1038.

De Communi Sanctorum Virorum.

De Communi SVir. Ad Invitatorium
De Communi SVir. Ad Officium lectionis
    Lectio altera
De Communi SVir. Ad Laudes matutinas
De Communi SVir. Ad II Vesperas

Oratio

Concéde, quæsumus, Ecclésiæ tuæ, omnípotens Deus, ut beátum Stéphanum, quem regnántem in terris propagatórem hábuit, propugnatórem habére mereátur gloriósum in cælis. Per Dóminum.

 

Die 19 augusti

S. IOANNIS EUDES, PRESBYTERI

Natus est in diœcesi Sagiensi (Séez) in Gallia anno 1601; sacerdotio initiatus, per plures annos prædicationi in parœciis incubuit. Ut optimi sacerdotes instituerentur in seminariis et mulieres periclitantes in vita christiana firmarentur, Congregationes instituit. Devotionem erga Iesu et Mariæ Corda maxime fovit. Mortuus est anno 1680.

De Communi Pastorum: pro presbyteris, vel Sanctorum Virorum: Pro Religiosis.

Ad Invit. de Com. Past. vel Pro Rel.
Ad Off. lect. de Com. Past. vel Pro Rel.
    Lectio altera
Ad Laud. mat. de Com. Past. vel Pro Rel.
Ad II Vesp. de Com. Past. vel Pro Rel.

Oratio

Deus, qui beátum Ioánnem presbýterum ad annuntiándum investigábiles Christi divítias mirabíliter elegísti, da nobis, eius exémplis et mónitis, ut in tua sciéntia crescéntes, secúndum Evangélii lumen fidéliter conversémur. Per Dóminum.

 

Die 20 augusti

S. BERNARDI, ABBATIS ET ECCLESIÆ DOCTORIS

Memoria

Natus est anno 1090 prope Divionem (Dijon) in Gallia. Pie educatus anno 1111 monachis Cistercensibus se adiunxit, et paulo post abbas monasterii Clarævallis electus, sodales actione et exemplo ad virtutes excolendas egregie direxit. Propter schismata in Ecclesia exorta, Europam peragravit ad pacem restituendam et unitatem. Multa scripsit ad theologiam et rem asceticam pertinentia. Mortuus est anno 1153.

De Communi Doctorum Ecclesiæ, vel Sanctorum Virorum: Pro Religiosis, præter sequentia:

Ad Invit. de Com. Doct. vel Pro Rel.
Ad Off. lect. de Com. Doct. vel Pro Rel.
    Lectio altera
Ad Laudes matutinas
Ad Vesperas

Oratio

Deus, qui beátum Bernárdum abbátem, zelo domus tuæ succénsum, in Ecclésia tua lucére simul et ardére fecísti, eius nobis intercessióne concéde, ut, eódem spíritu fervéntes, tamquam fílii lucis iúgiter ambulémus. Per Dóminum.

 

Die 21 augusti

S. PII X, PAPÆ

Memoria

Natus est in pago Riese intra Venetorum fines anno 1835. Ad sacerdotium evectus, munus optime exercuit. Episcopus Mantuanus et patriarcha Venetiarum creatus, papa electus est anno 1903. Hanc rationem regiminis suscepit instaurare omnia in Christo, quam et opere complevit in simplicitate animi, paupertate et fortitudine, quibus vitam christianam inter fideles excitavit et contra errores grassantes fortiter egit. Mortuus est anno 1914, die 20 augusti.

De Communi Pastorum: pro papis.

De Communi Past. Ad Invitatorium
De Communi Past. Ad Officium lectionis
    Lectio altera
De Communi Past. Ad Laudes matutinas
De Communi Past. Ad II Vesperas

Oratio

Deus, qui, ad tuéndam cathólicam fidem et univérsa in Christo instauránda, sanctum Pium papam cælésti sapiéntia et apostólica fortitúdine replevísti, concéde propítius, ut, eius institúta et exémpla sectántes, præmia consequámur ætérna. Per Dóminum.

 

Die 22 augusti

BEATÆ MARIÆ VIRGINIS REGINÆ

Memoria

De Communi Beatæ Mariæ Virginis præter sequentia:

Post Completorium, convenienter dicitur ant. Ave, Regína cælórum.

 

Die 23 augusti

S. ROSÆ DE LIMA, VIRGINIS

Nata est Limæ in Peruvia anno 1586; iam domi virtutes colere cœpit, sed habitu tertii Ordinis S. Dominici assumpto, maximos progressus fecit in via pænitentiæ et mysticæ contemplationis. Mortua est anno 1617, die 24 augusti.

De Communi Virginum, vel Sanctarum Mulierum: Pro Religiosis.

Ad Invit. de Com. Virg. vel Pro Rel.
Ad Off. lect. de Com. Virg. vel Pro Rel.
    Lectio altera
Ad Laud. mat. de Com. Virg. vel Pro Rel.
Ad II Vesp. de Com. Virg. vel Pro Rel.

Oratio

Deus, qui beátam Rosam, tuo amóre succénsam, mundum relínquere et tibi soli in austeritáte pæniténtiæ vacáre fecísti, da nobis, eius intercessióne, ut, vias vitæ sectántes in terris, torrénte deliciárum tuárum perfruámur in cælis. Per Dóminum.

 

Die 24 augusti

S. BARTHOLOMÆI, APOSTOLI

Festum

Natus est Canæ; ab apostolo Philippo ad Iesum ductus est. Post Ascensionem Domini traditur Evangelium in India prædicasse ibique martyrio coronatum esse.

De Communi Apostolorum, præter sequentia:

Oratio

Róbora in nobis, Dómine, fidem, qua Fílio tuo beátus Bartholomæus apóstolus sincéro ánimo adhæsit, et præsta, ut, ipso deprecánte, Ecclésia tua cunctis géntibus salútis fiat sacraméntum. Per Dóminum.

 

Die 25 augusti

(Eodem die S. Ioseph De Calasanz)

S. LUDOVICI

Natus anno 1214, rex Galliæ factus est duodecimum annum ætatis suæ agens. Matrimonio iunctus undecim habuit filios, quos optime ipse educavit. Spiritu pænitentiæ et orationis, amore in pauperes excelluit; in regno administrando non tantum ad pacem populorum et bonum temporale subditorum, sed et ad spiritalem utilitatem intendebat. Expeditiones ad liberandum Christi sepulcrum suscepit et anno 1270 prope Carthaginem mortuus est.

De Communi Sanctorum Virorum.

De Communi SVir. Ad Invitatorium
De Communi SVir. Ad Officium lectionis
    Lectio altera
De Communi SVir. Ad Laudes matutinas
De Communi SVir. Ad II Vesperas

Oratio

Deus, qui beátum Ludovícum e terréni regíminis cura et cæléstis regni glóriam transtulísti, eius, quæsumus, intercessióne concéde, ut, per múnera temporália quæ gérimus, regnum tuum quærámus ætérnum. Per Dóminum.

Eodem die 25 augusti

S. IOSEPH DE CALASANZ, PRESBYTERI

In Aragonia natus est anno 1557. Optime eruditus et sacerdotio initiatus, ministerium exercuit in patria. Deinde Romæ ad erudiendos pueros pauperes incubuit et societatem instituit, quæ huic muneri se devoveret. Multa sustinuit et calumnias invidorum etiam passus est. Mortuus est Romæ anno 1648.

De Communi Sanctorum Virorum: Pro Educatoribus, vel Pastorum: pro presbyteris.

Ad Invit. de Com. Past. vel S. Virorum
Ad Off. lect. de Com. Past. vel Pro. Ed.
    Lectio altera
Ad Laud. mat. de Com. Past. vel Pro Ed.
Ad II Vesp. de Com. Past. vel Pro Ed.

Oratio

Deus, qui beátum Ioseph presbýterum tanta caritáte et patiéntia decorásti, ut púeris erudiéndis omníque virtúte exornándis constánter incúmberet, concéde, quæsumus, ut, quem sapiéntiæ præceptórem cólimus, veritátis cooperatórem iúgiter imitémur. Per Dóminum.

 

Die 27 augusti

S. MONICÆ

Memoria

Nata est Tagaste in Africa anno 331 ex familia christiana. Adhuc adulescentula Patricio nuptui tradita, filios generavit inter quos Augustinum, pro cuius conversione multas lacrimas et preces fudit ad Deum. Exemplar optimæ matris, fidem oratione aluit et virtutibus illustravit. Mortua est Ostiæ anno 387.

De Communi Sanctarum Mulierum.

Oratio

Deus, mæréntium consolátor, qui beátæ Mónicæ pias lácrimas in conversióne fílii sui Augustíni misericórditer suscepísti, da nobis, utriúsque intervéntu, peccáta nostra deploráre, et grátiæ tuæ indulgéntiam inveníre. Per Dóminum.

 

Die 28 augusti

S. AUGUSTINI, EPISCOPI ET ECCLESIÆ DOCTORIS

Memoria

Natus est Tagaste in Africa anno 354, adulescentiam doctrinis et moribus inquietam transegit, donec Mediolani, ad fidem conversus, anno 387 ab episcopo Ambrosio baptizatus est. In patriam reversus vitam asceticam professus est, et episcopus Hipponensis electus, per triginta quattuor annos forma gregis factus, illum erudivit sermonibus et scriptis copiosis, quibus etiam strenue contra errores sui temporis dimicavit vel fidem erudite illustravit. Mortuus est anno 430.

De Communi Pastorum: pro episcopis et Doctorum Ecclesiæ, præter sequentia:

Oratio

Innova, quæsumus, Dómine, in Ecclésia tua spíritum quo beátum Augustínum epíscopum imbuísti, ut, eódem nos repléti, te solum veræ fontem sapiéntiæ sitiámus, et supérni amóris quærámus auctórem. Per Dóminum.

 

Die 29 augusti

IN PASSIONE S. IOANNIS BAPTISTÆ

Memoria