Die 26 maii
S. PHILIPPI NERI PRESBYTERI
Memoria
De Communi pastorum: pro presbyteris vel sanctorum virorum: pro religiosis.
Ad Officium lectionis
Ex Sermónibus sancti Augustíni epíscopi (Sermo 171, 1-3. 5: PL 38, 933-935)
Responsorium 2 Cor 13, 11; Rom 15, 13a
R/. Fratres, gaudéte, perfécti estóte, exhortámini, idem sápite, pacem habéte; * Et Deus dilectiónis et pacis erit vobíscum.
V/. Deus autem spei répleat vos omni gáudio et pace in credéndo. * Et Deus.
Die 27 maii
S. AUGUSTINI CANTUARIENSIS, EPISCOPI
De Communi pastorum: pro episcopis.
Ad Officium lectionis
Ex Epístolis sancti Gregórii Magni papæ (Lib. 11, 36: MGH, 1899, Epistolæ, 2, 305-306)
Gens Anglorum sanctæ fidei luce perfusa est
Responsorium Phil 3, 17; 4, 9; 1 Cor 1, 10a
R/. Coimitatóres mei estóte, fratres, et observáte eos, qui ita ámbulant, sicut habétis formam nos: * Quæ et didicístis et accepístis et audístis et vidístis in me, hæc ágite, et Deus pacis erit vobíscum.
V/. Obsecro vos, per nomen Dómini nostri Iesu Christi, ut idípsum dicátis omnes. * Quæ.
Die 31 maii
IN VISITATIONE BEATÆ MARIÆ VIRGINIS
Festum
V/. Dómine, lábia.
Ant. Visitatiónem beátæ Maríæ Vírginis celebrántes, iubilémus Dómino.
Veníte, exsultémus vel Iubiláte Dómino vel Deus misereátur nostri vel Dómini est terra.
Hymnus
Veni, præcélsa Dómina;
María, tu nos vísita,
quæ iam cognátæ dómui
tantum portásti gáudii.
Veni, iuvámen sæculi,
sordes aufer piáculi,
ac visitándo pópulum
pœnæ tolle perículum.
Veni, stella, lux márium,
infúnde pacis rádium;
rege quodcúmque dévium,
da vitam innocéntium.
Veni, precámur, vísites
nobísque vires róbores
virtúte sacri ímpetus,
ne fluctuétur ánimus.
Veni, virga regálium,
reduc fluctus errántium
ad unitátem fídei,
in qua salvántur cælici.
Antiphonæ et psalmi de Communi B. Mariæ V. Ad Officium lectionis
Lectio prior
De Cántico canticórum 2, 8-14; 8, 6-7
Adventus dilecti
Vox dilécti mei! Ecce iste venit sáliens in móntibus, transíliens colles. Símilis est diléctus meus cápreæ hinnulóque cervórum. En ipse stat post paríetem nostrum respíciens per fenéstras, prospíciens per cancéllos.
En diléctus meus lóquitur mihi: «Surge, amíca mea, colúmba mea, formósa mea, et veni. Iam enim hiems tránsiit, imber ábiit et recéssit. Flores apparuérunt in terra, tempus putatiónis advénit; vox túrturis audíta est in terra nostra, ficus prótulit grossos suos, víneæ floréntes dedérunt odórem suum: surge, amíca mea, speciósa mea, et veni, colúmba mea, in foramínibus petræ, in cavérna abrúpta. Osténde mihi fáciem tuam, sonet vox tua in áuribus meis; vox enim tua dulcis, et fácies tua decóra».
Pone me ut signáculum super cor tuum, ut signáculum super bráchium tuum, quia fortis est ut mors diléctio, dura sicut inférnus æmulátio; lámpades eius lámpades ignis atque flammæ divínæ.
Aquæ multæ non potuérunt exstínguere caritátem, nec flúmina óbruent illam; si déderit homo omnem substántiam domus suæ pro dilectióne, quasi nihil despícient eum.
Responsorium Lc 1, 41b-43. 44
R/. Repléta est Spíritu Sancto Elísabeth et exclamávit: Benedícta tu inter mulíeres, et benedíctus fructus ventris tui; * Et unde hoc mihi, ut véniat mater Dómini mei ad me?
V/. Ecce enim ut facta est vox salutatiónis tuæ in áuribus meis, exsultávit in gáudio infans in útero meo. * Et unde.
Lectio altera
Ex Homilíis sancti Bedæ Venerábilis presbýteri (Lib. 1, 4: CCL 122, 25-26. 30)
Maria operantem in se Dominum magnificat
Magníficat ánima mea Dóminum, et exsultávit spíritus meus in Deo salutári meo. Quibus profécto verbis primo dona sibi speciáliter concéssa confitétur, deínde generália Dei benefícia, quibus géneri humáno in ætérnum consúlere non desístit, enúmerat. Eius autem ánima Dóminum magníficat, qui omnes interióris hóminis sui afféctus divínis láudibus ac servítiis máncipat, qui observántia præceptórum Dei semper eius poténtiam maiestátis se cogitáre demónstrat. Eius spíritus in Deo salutári suo exsúltat, quem nihil in terrénis libet, nulla caducárum rerum affluéntia emóllit, nulla advérsitas frangit sed sola ipsíus, a quo salus sperátur ætérna, sui conditóris memória deléctat.
Responsorium Cf. Lc 1, 45-46; Ps 65 (66), 16
R/. Beáta, quæ credidísti, quóniam perficiéntur in te quæ dicta sunt tibi a Dómino. Et ait María: * Magníficat ánima mea Dóminum.
V/. Veníte, audíte, et narrábo vobis quanta fecit Deus ánimæ meæ. * Magníficat.
Hymnus Te Deum.
Oratio
Omnípotens sempitérne Deus, qui beátam Vírginem Maríam, Fílium tuum gestántem, ad visitándam Elísabeth inspirásti, præsta, quæsumus, ut, afflánti Spirítui obsequéntes, cum ipsa te semper magnificáre possímus. Per Dóminum.
Hymnus
Véniens, mater ínclita,
cum Sancti dono Spíritus,
nos ut Ioánnem vísita
in huius carnis sédibus.
Procéde, portans párvulum,
ut mundus possit crédere
et tuæ laudis títulum
omnes sciant extóllere.
Salúta nunc Ecclésiam,
ut tuam vocem áudiens
exsúrgat in lætítia,
advéntum Christi séntiens.
María, levans óculos,
vide credéntes pópulos:
te quærunt piis méntibus,
his opem feres ómnibus.
O veræ spes lætítiæ,
nostræ portus misériæ,
nos iunge cæli cúriæ
ornátos stola glóriæ.
Tecum, Virgo, magníficat
ánima nostra Dóminum,
qui laude te nobílitat
et hóminum et cælitum. Amen.
Ant. 1 Exsúrgens María ábiit in montána cum festinatióne, in civitátem Iuda.
Psalmus de dominica hebd. I.
Ant. 2 Ut audívit salutatiónem Maríæ Elísabeth, exsultávit infans in útero eius, et repléta est Spíritu Sancto.
Canticum de dominica hebd. I.
Ant. 3 Beáta es, María, quæ credidísti; perficiéntur in te quæ dicta sunt tibi a Dómino.
Psalmus de dominica hebd. I.
Lectio brevis Ioel 2, 27 — 3, 1
Sciétis quia in médio Israel ego sum, et ego Dóminus Deus vester et non est ámplius; et non confundétur pópulus meus in ætérnum. Et erit post hæc: effúndam spíritum meum super omnem carnem, et prophetábunt fílii vestri et fíliæ vestræ.
Responsorium breve
R/. Elégit eam Dóminus * et præelégit eam. Elégit.
V/. In tabernáculo suo habitáre fecit eam. * Et præelégit eam. Glória Patri. Elégit.
Ad Benedictus, ant. Cum audísset salutatiónem Maríæ, Elísabeth exclamávit voce magna et dixit: Unde hoc mihi, ut véniat mater Dómini mei ad me?
Preces
Salvatórem nostrum celebrántes, qui ex María Vírgine nasci dignátus est, exorémus dicéntes: Intercédat pro nobis mater tua, Dómine.
O sol iustítiæ, quem immaculáta Virgo ut lucens auróra præcéssit,
—tríbue ut in lúmine visitatiónis tuæ semper ambulémus.
Tríbue nobis, Dómine, Maríam matrem tuam imitári, quæ óptimam partem elégit,
—cibum quæréntes, qui pérmanet in vitam ætérnam.
Salvátor mundi, qui redemptiónis tuæ virtúte ab omni peccáti labe matrem tuam præservásti,
—serva nos mundos a peccáto.
Redémptor noster, qui Vírginem Maríam thálamum puríssimum habitatiónis tuæ et Spíritus Sancti fecísti sacrárium,
—nos templum fac perénne tui Spíritus.
Pater noster.
Oratio
Omnípotens sempitérne Deus, qui beátam Vírginem Maríam, Fílium tuum gestántem, ad visitándam Elísabeth inspirásti, præsta, quæsumus, ut, afflánti Spirítui obsequéntes, cum ipsa te semper magnificáre possímus. Per Dóminum.
Hymnus Nunc, Sancte, nobis vel Certum tenéntes
Antiphonæ et psalmi de feria currente.
Lectio brevis Iudt 13, 18-19
Benedícta tu es, fília, a Deo excélso præ ómnibus muliéribus, quæ sunt super terram. Et benedíctus Dóminus, Deus noster, qui creávit cælum et terram, qui diréxit te in vulnus cápitis príncipis inimicórum nostrórum. Quóniam non discédet laus tua a corde hóminum memorántium virtútis Dei usque in sempitérnum.
V/. Beáti qui áudiunt verbum Dei.
R/. Et custódiunt illud.
Hymnus Rector potens vel Dicámus laudes
Antiphonæ et psalmi de feria currente.
Lectio brevis Tob 12, 6b
Deum benedícite et illi confitémini coram ómnibus vivéntibus, quæ fecit nobíscum bona, ut benedicátis et decantétis nómini eius.
V/. Beáta víscera Maríæ Vírginis.
R/. Quæ portavérunt ætérni Patris Fílium.
Hymnus Rerum, Deus vel Ternis horárum
Antiphonæ et psalmi de feria currente.
Lectio brevis Sap 7, 27b-28
Sapiéntia in se pérmanens ómnia ínnovat, et per generatiónes in ánimas sanctas se tránsferens amícos Dei et prophétas constítuit. Nihil enim díligit Deus, nisi eum, qui cum sapiéntia inhábitat.
V/. Benedícta tu in muliéribus.
R/. Et benedíctus fructus ventris tui.
Omnípotens sempitérne Deus, qui beátam Vírginem Maríam, Fílium tuum gestántem, ad visitándam Elísabeth inspirásti, præsta, quæsumus, ut, afflánti Spirítui obsequéntes, cum ipsa te semper magnificáre possímus. Per Christum.
Hymnus
Ant. 1 Intrávit María in domum Zacharíæ, et salutávit Elísabeth.
Psalmodia de Communi B. Mariæ V.
Ant. 2 Ex quo facta est vox salutatiónis tuæ in áuribus meis, exsultávit infans in útero meo.
Ant. 3 Benedícta tu inter mulíeres, et benedíctus fructus ventris tui.
Lectio brevis 1 Petr 5, 5b-7
Omnes ínvicem humilitátem indúite, quia Deus supérbis resístit, humílibus autem dat grátiam. Humiliámini ígitur sub poténti manu Dei, ut vos exáltet in témpore, omnem sollicitúdinem vestram proiciéntes in eum, quóniam ipsi cura est de vobis.
Responsorium breve
R/. Ave, María, grátia plena; * Dóminus tecum. Ave.
V/. Benedícta tu in muliéribus, et benedíctus fructus ventris tui. * Dóminus tecum. Glória Patri. Ave.
Ad Magnificat, ant. Beátam me dicent omnes generatiónes, quia ancíllam húmilem respéxit Deus.
Preces
Deum Patrem omnipoténtem magnis láudibus extollámus, qui Maríam, matrem Fílii sui, ab ómnibus generatiónibus celebrári vóluit, et ab eo súpplices petámus: Plena grátia intercédat pro nobis. Vel: Plenam grátia intuére, et exáudi nos.
Qui Maríam dedísti nobis matrem, ipsa intercedénte, concéde medélam lánguidis, solámen mæréntibus, véniam peccatóribus,
—et ómnibus salútem et pacem.
Fac, Dómine, ut Ecclésia tua sit cor unum et ánima una in caritáte,
—et christiáni persevérent unánimes in oratióne cum María, matre Iesu.
Qui Maríam matrem misericórdiæ constituísti,
—versántibus in perículis concéde, ut matérnam eius dilectiónem experiántur.
Qui Maríam, in domo Iesu et Ioseph, matremfamílias esse voluísti,
—fac ut, ipsíus intercessióne, omnes matres in famíliis caritátem fóveant et sanctitátem.
Qui Maríam cæli coronásti regínam,
—fac ut defúncti in regno tuo cum sanctórum ágmine gáudeant in ætérnum.
Pater noster.
Oratio
Omnípotens sempitérne Deus, qui beátam Vírginem Maríam, Fílium tuum gestántem, ad visitándam Elísabeth inspirásti, præsta, quæsumus, ut, afflánti Spirítui obsequéntes, cum ipsa te semper magnificáre possímus. Per Dóminum.
Sabbato post dominicam II post Pentecosten
IMMACULATI CORDIS BEATÆ MARIÆ VIRGINIS
De Communi B. Mariæ V., præter sequentia:
Ad Officium lectionis
Ex Sermónibus sancti Lauréntii Iustiniáni epíscopi (Sermo 8, in festo Purificationis B. M. V.: Opera, 2, Venetiis 1751, 38-39)
Maria conservabat omnia in corde suo
Conferénte secum María de ómnibus quæ legéndo, audiéndo, vidéndo cognóverat, o quantum crescébat in fide, augebátur méritis, sapiéntia illustrabátur magis magísque caritátis cremabátur incéndio! Ex redivíva síquidem sacramentórum cæléstium reseratióne promóta, complebátur lætítia, Spíritu fecundabátur nímium, dirigebátur in Deum, et húmilis custodiebátur in se. Tales prorsus divínæ grátiæ sunt proféctus, ut de imis élevent ad summa, et de claritáte in claritátem transfórment. Beáta plane mens Vírginis, quæ, per inhabitántem Spíritum ac magistérium, Verbi Dei semper in ómnibus parébat império. Non sensu próprio, non suo ducebátur arbítrio; sed quod intus sapiéntia innuébat ad fidem, foris hoc córporis ministério peragébat. Decébat útique divínam Sapiéntiam, quæ sibi ad habitándum domum ædificábat Ecclésiæ, ut de legis custódia, de purificatióne mentis, de humilitátis norma, et de spiritáli oblatióne, Maríæ sanctíssimæ médio uterétur.
Responsorium Cf. Lc 1, 42
R/. Sancta et immaculáta virgínitas, quibus te láudibus éfferam, néscio * Quia quem cæli cápere non póterant, tuo grémio contulísti.
V/. Benedícta tu in muliéribus et benedíctus fructus ventris tui. * Quia.
De Communi BMV Ad Laudes matutinas
Ad Benedictus, ant. Cor meum et caro mea exsultavérunt in Deum vivum.
Preces De Communi BMV.