MARTIUS
S. CASIMIRI
Memoria
Filius regis Poloniæ, natus est anno 1458. Virtutes christianas apprime coluit, præsertim castitatem et in pauperes benignitatem. Fidei zelator, Eucharistiam et Mariam Virginem devota veneratione prosecutus est. Phtisi consumptus est anno 1484.
De Communi Sanctorum Virorum.
De Communi SVir. Ad Invitatorium
De Communi SVir. Ad Officium lectionis
Lectio altera
De Communi SVir. Ad Laudes matutinas
De Communi SVir. Ad II Vesperas
Oratio
Deus omnípotens, cui servíre regnáre est, concéde nobis, beáti Casimíri intercedénte suffrágio, tibi in sanctitáte et iustítia perpétuo famulári. Per Dóminum.
SS. PERPETUÆ ET FELICITATIS, MARTYRUM
Memoria
In persecutione Septimii Severi anno 203 Carthagine martyrium subierunt. Exstat adhuc earum mortis luculentissima narratio, quæ partim ab ipsis confessoribus, partim a scriptore eiusdem ætatis exarata est.
De Communi Plurimorum Martyrum.
De Communi Mart. Ad Invitatorium
De Communi Mart. Ad Officium lectionis
Lectio altera
De Communi Mart. Ad Laudes matutinas
De Communi Mart. Ad II Vesperas
Oratio
Deus, cuius urgénte caritáte beátæ mártyres Perpétua et Felícitas torméntum mortis, contémpto persecutóre, vicérunt, da nobis, quæsumus, eárum précibus, ut in tua semper dilectióne crescámus. Per Dóminum.
S. IOANNIS A DEO, RELIGIOSI
In Lusitania natus est anno 1495; post vitam periculorum plenam in militia, meliora exoptans servitio ægrotorum totum se dedit. Granatæ in Hispania valetudinarium fundavit et sibi adscivit socios, qui postea Ordinem Hospitalarium sancti Ioannis a Deo constituerunt. Caritate præcipue erga egenos et infirmos enituit. Mortuus est in eadem civitate anno 1550.
De Communi Sanctorum Virorum: Pro Religiosis, vel Pro Iis Qui Opera Misericordiæ Exercuerunt.
Ad Invit. de Com. Pro Rel. vel S. Virorum
Ad Off. lect. de Com. Pro Rel. vel PIQOME
Lectio altera
Ad Laud. mat. de Com. Pro Rel. vel PIQOME
Ad II Vesp. de Com. Pro Rel. vel PIQOME
Oratio
Deus, qui beátum Ioánnem misericórdiæ spíritu perfudísti, da, quæsumus, ut, caritátis ópera exercéntes, inter eléctos in regno tuo inveníri mereámur. Per Dóminum.
S. FRANCISCÆ ROMANÆ, RELIGIOSÆ
Romæ nata est anno 1384; adhuc iuvenis matrimonio copulata, tres peperit filios. Temporibus calamitosis vivens, bona pauperibus distribuit, ægrotis ministravit; mirabilis fuit in vita actuosa erga egenos et in virtutibus colendis, præsertim humilitate et patientia. Anno 1425 Congregationem instituit Oblatarum sub regula S. Benedicti. Mortua est anno 1440.
De Communi Sanctarum Mulierum: Pro Religiosis.
De Communi PR Ad Invitatorium
De Communi PR Ad Officium lectionis
Lectio altera
De Communi PR Ad Laudes matutinas
De Communi PR Ad II Vesperas
Oratio
Deus, qui nobis in beáta Francísca singuláre dedísti coniugális et monásticæ conversatiónis exémplar, fac nos tibi perseveránter deservíre, ut in ómnibus vitæ adiúnctis te conspícere et sequi valeámus. Per Dóminum.