zCOMMUNE DEDICATIONIS ECCLESIÆ

COMMUNE DEDICATIONIS ECCLESIÆ

Ad I Vesperas

Hymnus Urbs Ierúsalem beáta

Psalmodia

Lectio brevis   Eph 2, 19-22

Iam non estis extránei et ádvenæ, sed estis concíves sanctórum et doméstici Dei, superædificáti super fundaméntum apostolórum et prophetárum, ipso summo angulári lápide Christo Iesu, in quo omnis ædificátio compácta crescit in templum sanctum in Dómino, in quo et vos coædificámini in habitáculum Dei in Spíritu.

Responsorium breve
R/.
Domum tuam, Dómine, * Decet sanctitúdo. Domum.
V/. In longitúdinem diérum. * Decet sanctitúdo. Glória Patri. Domum.

Ad Magnificat, ant. Lætámini cum Ierúsalem et exsultáte in ea, omnes qui dilígitis eam, in ætérnum.

Preces

Salvatórem nostrum, qui ánimam suam pósuit ut fílios Dei dispérsos congregáret in unum, súpplices implorémus: Recordáre Ecclésiæ tuæ, Dómine.

Dómine Iesu, qui domum tuam super petram ædificásti,
Ecclésiam tuam sólida fide et fidúcia confírma.

Dómine Iesu, de cuius látere sanguis et aqua fluxérunt,
Ecclésiam tuam testaménti novi et ætérni rénova sacraméntis.

Dómine Iesu, præsens in médio eórum qui congregántur in nómine tuo,
Ecclésiæ tuæ unánimem oratiónem exáudi.

Dómine Iesu, qui cum Patre mansiónem facis apud eos qui te díligunt,
Ecclésiam tuam pérfice in dilectióne divína.

Dómine Iesu, qui non éicis foras eum qui venit ad te,
omnes in domum patérnam immítte defúnctos.

Pater noster.

Oratio

In ipsa ecclesia dedicata:

Deus, qui nobis per síngulos annos huius sancti templi tui consecratiónis réparas diem, exáudi preces pópuli tui, et præsta, ut fiat hic tibi semper purum servítium et nobis plena redémptio. Per Dóminum.

Extra ipsam ecclesiam dedicatam: (Vel)
Deus, qui de vivis et eléctis lapídibus ætérnum habitáculum tuæ præparas maiestáti, multíplica in Ecclésia tua spíritum grátiæ, quem dedísti, ut fidélis tibi pópulus in cæléstis ædificatiónem Ierúsalem semper accréscat. Per Dóminum.
Vel:
Deus, qui pópulum tuum Ecclésiam vocáre dignátus es, da, ut plebs in nómine tuo congregáta te tímeat, te díligat, te sequátur, et ad cæléstia promíssa, te ducénte, pervéniat. Per Dóminum.

Ad Invitatorium

Aperi, Dómine

V/. Dómine, lábia mea apéries.
R/. Et os meum annuntiábit laudem tuam.

Ant. Christum, Sponsum Ecclésiæ, adorémus in ea.
Vel: Christum, qui diléxit Ecclésiam, veníte, adorémus.

Veníte, exsultémus vel Iubiláte Dómino vel Deus misereátur nostri vel Dómini est terra.

Ad Officium lectionis

Hymnus Christe, cunctórum dominátor alme

Psalmodia

V/. Adorábo ad templum sanctum tuum.
R/. Et confitébor nómini tuo, Dómine.

Lectio prior

Lectio altera (Vel alia)

Hymnus Te Deum.

Oratio

In ipsa ecclesia dedicata:

Deus, qui nobis per síngulos annos huius sancti templi tui consecratiónis réparas diem, exáudi preces pópuli tui, et præsta, ut fiat hic tibi semper purum servítium et nobis plena redémptio. Per Dóminum.

Extra ipsam ecclesiam dedicatam (Vel):
Deus, qui de vivis et eléctis lapídibus ætérnum habitáculum tuæ præparas maiestáti, multíplica in Ecclésia tua spíritum grátiæ, quem dedísti, ut fidélis tibi pópulus in cæléstis ædificatiónem Ierúsalem semper accréscat. Per Dóminum.
Vel:
Deus, qui pópulum tuum Ecclésiam vocáre dignátus es, da, ut plebs in nómine tuo congregáta te tímeat, te díligat, te sequátur et ad cæléstia promíssa, te ducénte, pervéniat. Per Dóminum.

Ad Laudes matutinas

Hymnus Anguláris fundaméntum

Psalmodia

Ant. 1 Domus mea domus oratiónis vocábitur.

Psalmus de dominica hebd. I.

Ant. 2 Benedíctus es, Dómine, in templo sancto tuo.

Canticum de dominica hebd. I.

Ant. 3 Laudáte Dóminum in ecclésia sanctórum.

Psalmus de dominica hebd. I.

Lectio brevis   Is 56, 7

Addúcam eos in montem sanctum meum et lætificábo eos in domo oratiónis meæ: holocáusta eórum et víctimæ eórum placébunt mihi super altári meo, quia domus mea domus oratiónis vocábitur cunctis pópulis.

Responsorium breve
R/.
Magnus Dóminus * Et laudábilis nimis. Magnus.
V/. In civitáte Dei nostri, in monte sancto eius. * Et laudábilis nimis. Glória Patri. Magnus.

Ad Benedictus, ant. Zachæe, festínans descénde, quia hódie in domo tua opórtet me manére. At ille festínans descéndit et suscépit illum gaudens in domum suam. Hódie huic dómui salus a Deo facta est, allelúia.

Preces

Nos, lápides vivi, superædificáti lápidi elécto Christo, Patrem omnipoténtem pro Ecclésia deprecémur eius dilécta, et fidem in eam profiteámur, dicéntes: Hic domus Dei est et porta cæli.

Pater agrícola, víneam tuam emúnda, custódi, multíplica,
ut in conspéctu tuo omnem terram ímpleat.

Pastor ætérne, ovíle tuum prótege ac proténde,
ut sub único pastóre, Fílio tuo, oves congregéntur in unum.

Sator omnípotens, sémina verbum in agro tuo,
ut céntuplum fructum áfferat in messem ætérnam.

Sápiens ædificátor, tuam domum familiámque sanctífica,
ut cívitas de cælo, Ierúsalem nova, sponsa appáreat ómnibus gloriósa.

Pater noster.

Oratio

In ipsa ecclesia dedicata:

Deus, qui nobis per síngulos annos huius sancti templi tui consecratiónis réparas diem, exáudi preces pópuli tui, et præsta, ut fiat hic tibi semper purum servítium et nobis plena redémptio. Per Dóminum.

Extra ipsam ecclesiam dedicatam (Vel):
Deus, qui de vivis et eléctis lapídibus ætérnum habitáculum tuæ præparas maiestáti, multíplica in Ecclésia tua spíritum grátiæ, quem dedísti, ut fidélis tibi pópulus in cæléstis ædificatiónem Ierúsalem semper accréscat. Per Dóminum.
Vel:
Deus, qui pópulum tuum Ecclésiam vocáre dignátus es, da, ut plebs in nómine tuo congregáta te tímeat, te díligat, te sequátur et ad cæléstia promíssa, te ducénte, pervéniat. Per Dóminum.

Ad Horam mediam

Ad Tertiam (Sextam, Nonam)

Hymnus Nunc, Sancte, nobis vel Certum tenéntes

Psalmodia complementaris pro tertia: loco psalmi 121 (122), dici potest 128 (129) -Tertia 2-.

Ant. Templum Dómini sanctum est, Dei cultúra est, Dei ædificátio est.

Lectio brevis   1 Cor 3, 16-17

Nescítis quia templum Dei estis et Spíritus Dei hábitat in vobis? Si quis autem templum Dei evérterit, evértet illum Deus; templum enim Dei sanctum est, quod estis vos.

V/. Dómine, diléxi decórem domus tuæ.
R/. Et locum tabernáculi glóriæ tuæ.

Oratio


Ad Sextam

Hymnus Rector potens vel Dicámus laudes

Ant. Domum tuam, Dómine, decet sanctitúdo in longitúdinem diérum.

Psalmodia complementaris pro sexta

Lectio brevis   2 Cor 6, 16

Vos estis templum Dei vivi; sicut dicit Deus: «Inhabitábo in illis et inambulábo et ero illórum Deus, et ipsi erunt mihi pópulus».

V/. Rogáte quæ ad pacem sunt Ierúsalem.
R/. Et abundántia diligéntibus te.

Oratio


Ad Nonam

Hymnus Rerum, Deus vel Ternis horárum

Ant. Hæc est domus Dómini, fírmiter ædificáta; bene fundáta est supra firmam petram.

Psalmodia complementaris pro nona

Lectio brevis (Vel)   Ier 7, 2b. 4-5a. 7a.
Audíte verbum Dómini, qui ingredímini per portas has, ut adorétis Dóminum. Nolíte confídere in verbis mendácii dicéntes: «Templum Dómini, templum Dómini, templum Dómini est». Quóniam, si bene direxéritis vias vestras et ópera vestra, habitáre vos fáciam in loco isto.

Vel: Ag 2, 6a. 7. 9

Hæc dicit Dóminus exercítuum: Movébo omnes gentes, et vénient thesáuri cunctárum géntium, et implébo domum istam glória, dicit Dóminus exercítuum. Maior erit glória domus istíus novíssima plus quam prima; et in loco isto dabo pacem, dicit Dóminus exercítuum.

V/. Introíte portas Dómini in confessióne.
R/. Et átria eius in hymnis.

Oratio

In ipsa ecclesia dedicata:

Deus, qui nobis per síngulos annos huius sancti templi tui consecratiónis réparas diem, exáudi preces pópuli tui, et præsta, ut fiat hic tibi semper purum servítium et nobis plena redémptio. Per Christum.

Extra ipsam ecclesiam dedicatam (Vel):
Deus, qui de vivis et eléctis lapídibus ætérnum habitáculum tuæ præparas maiestáti, multíplica in Ecclésia tua spíritum grátiæ, quem dedísti, ut fidélis tibi pópulus in cæléstis ædificatiónem Ierúsalem semper accréscat. Per Christum.
Vel:
Deus, qui pópulum tuum Ecclésiam vocáre dignátus es, da, ut plebs in nómine tuo congregáta te tímeat, te díligat, te sequátur et ad cæléstia promíssa, te ducénte, pervéniat. Per Christum.

Ad II Vesperas

Hymnus Urbs Ierúsalem beáta

Psalmodia

Lectio brevis   Ap 21, 1a. 2-3. 22. 27

Vidi civitátem sanctam Ierúsalem novam descendéntem de cælo a Deo, parátam sicut sponsam ornátam viro suo. Et audívi vocem magnam de throno dicéntem: «Ecce tabernáculum Dei cum homínibus! Et habitábit cum eis, et ipsi pópuli eius erunt, et ipse Deus cum eis erit eórum Deus». Et templum non vidi in ea: Dóminus enim Deus omnípotens templum illíus est, et Agnus. Nec intrábit in ea áliquid coinquinátum et fáciens abominatiónem et mendácium, nisi qui scripti sunt in libro vitæ Agni.

Responsorium breve
R/.
Beáti qui hábitant * In domo tua, Dómine. Beáti.
V/. In sæculum sæculi laudábunt te. * In domo tua, Dómine. Glória Patri. Beáti.

Ad Magnificat, ant. Sanctificávit Dóminus tabernáculum suum: hæc est domus Dei, in qua invocétur nomen eius, de qua scriptum est: Erit nomen meum ibi, dicit Dóminus.

Preces

Salvatórem nostrum, qui ánimam suam pósuit, ut fílios Dei dispérsos congregáret in unum, súpplices implorémus: Recordáre Ecclésiæ tuæ, Dómine.

Dómine Iesu, qui domum tuam super petram ædificásti,
Ecclésiam tuam sólida fide ac fidúcia confírma.

Dómine Iesu, de cuius látere sanguis et aqua fluxérunt,
Ecclésiam tuam testaménti novi et ætérni rénova sacraméntis.

Dómine Iesu, præsens in médio eórum qui congregántur in nómine tuo,
Ecclésiæ tuæ unánimem oratiónem exáudi.

Dómine Iesu, qui cum Patre mansiónem facis apud eos qui te díligunt,
Ecclésiam tuam pérfice in dilectióne divína.

Dómine Iesu, qui non éicis foras eum qui venit ad te,
omnes in domum patérnam immítte defúnctos.

Pater noster.

Oratio

In ipsa ecclesia dedicata:

Deus, qui nobis per síngulos annos huius sancti templi tui consecratiónis réparas diem, exáudi preces pópuli tui, et præsta, ut fiat hic tibi semper purum servítium et nobis plena redémptio. Per Dóminum.

Extra ipsam ecclesiam dedicatam (Vel):
Deus, qui de vivis et eléctis lapídibus ætérnum habitáculum tuæ præparas maiestáti, multíplica in Ecclésia tua spíritum grátiæ, quem dedísti, ut fidélis tibi pópulus in cæléstis ædificatiónem Ierúsalem semper accréscat. Per Dóminum.
Vel:
Deus, qui pópulum tuum Ecclésiam vocáre dignátus es, da, ut plebs in nómine tuo congregáta te tímeat, te díligat, te sequátur et ad cæléstia promíssa, te ducénte, pervéniat. Per Dóminum.