In fine Laudum matutinarum et Vesperarum: (Officii lectionis et Horæ mediæ)
Post Pater noster dicitur immediate, et sine Orémus, oratio conclusiva, quæ invenitur in Proprio.
Deinde, si præest sacerdos vel diaconus, populum dimittit, dicens:
Dóminus vobíscum.
R/. Et cum spíritu tuo.
Benedícat vos omnípotens Deus, Pater, et Fílius, et Spíritus Sanctus.
R/. Amen.
Vel alia formula benedictionis, sicut in Missa.
Et si fit dimissio, sequitur invitatio:
Ite in pace.
R/. Deo grátias.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam.
R/. Amen.
In fine Officii lectionis et Horæ mediæ:
Post orationem conclusivam, saltem in celebratione communi, additur acclamatio:
Benedicámus Dómino.
R/. Deo grátias.