COMMUNE VIRGINUM
Ad I Vesperas
Ad Invitatorium
Ad Officium lectionis
Ad Laudes matutinas
Ad Horam mediam
Ad II Vesperas
Hymnus Iesu, coróna vírginum
Lectio brevis 1 Cor 7, 32b. 34a
Qui sine uxóre est, sollícitus est, quæ Dómini sunt, quómodo pláceat Dómino. Et múlier innúpta et virgo cógitat, quæ Dómini sunt, ut sit sancta et córpore et spíritu.
Responsorium breve
R/. Pars mea Dóminus, * Dixit ánima mea. Pars mea.
V/. Bonus est Dóminus ánimæ quærénti illum. * Dixit ánima mea. Glória Patri. Pars mea.
Ad Magnificat, ant.
Pro virgine et martyre: Ecce iam séquitur Agnum pro nobis crucifíxum strénua virgo, pudóris hóstia, víctima castitátis.
Pro virgine: Veniénte Sponso, prudens virgo paráta introívit cum eo ad núptias.
Pro pluribus: Prudéntes vírgines, aptáte vestras lámpades: ecce Sponsus venit, exíte óbviam ei.
Preces
Christum, qui virginitátem propter regnum cælórum coléntes laudávit, festíve celebrémus et exorémus, dicéntes: Iesu, rex vírginum, audi nos.
Christe, qui Ecclésiam vírginem castam tibi uni Sponso exhibuísti,
—immaculátam eam redde et sanctam.
Christe, cui óbviam vírgines sanctæ cum lampádibus exiérunt,
—ne permíttas umquam fidelitátis óleum in lampádibus tibi devotárum ancillárum defícere.
Dómine, cui Ecclésia virgo fidem íntegram et puram iúgiter custodívit,
—concéde christiánis ómnibus fídei integritátem et puritátem.
Qui tríbuis pópulo tuo de sanctæ vírginis N. festivitáte gaudére,
—præsta, ut de eius étiam semper intercessióne lætétur.
Qui ad cenam nuptiárum tuárum sanctas vírgines recepísti,
—defúnctos in aulam cæléstis convívii benígnus admítte.
Pater noster.
Oratio
Oratio propria; qua deficiente, dicitur ut infra (Pro pluribus):
Deus, qui te in puris manére córdibus ásseris, da nobis, beátæ N. vírginis intercessióne, per grátiam tuam tales exsístere, in quibus habitáre dignéris. Per Dóminum.
Vel:
Exáudi, quæsumus, Dómine, preces nostras, ut, qui beátæ N. vírginis virtútem devóte recólimus, in tui amóre permanére et usque in finem semper créscere mereámur. Per Dóminum.
Pro pluribus: Multíplica super nos, quæsumus, Dómine, misericórdiam tuam, ut, sicut in beatárum vírginum N. et N. festivitáte pia devotióne lætámur, ita eárum perpétua societáte, te largiénte, fruámur. Per Dóminum.
V/. Dómine, lábia mea apéries.
R/. Et os meum annuntiábit laudem tuam.
Ant. Regem vírginum Dóminum, veníte, adorémus.
Vel: Agnum, quem sequúntur vírgines, veníte, adorémus.
Veníte, exsultémus vel Iubiláte Dómino vel Deus misereátur nostri vel Dómini est terra.
Hymnus
Pro una virgine: Dulci deprómat cármine
Pro pluribus virginibus: Gaudéntes festum cólimus
V/. Notas mihi fecísti vias vitæ.
R/. Adimplébis me lætítia cum vultu tuo.
In sollemnitatibus et festis, Te Deum.
Oratio
Oratio propria; qua deficiente, dicitur ut infra (Pro pluribus):
Deus, qui te in puris manére córdibus ásseris, da nobis, beátæ N. vírginis intercessióne, per grátiam tuam tales exsístere, in quibus habitáre dignéris. Per Dóminum.
Vel:
Exáudi, quæsumus, Dómine, preces nostras, ut, qui beátæ N. vírginis virtútem devóte recólimus, in tui amóre permanére et usque in finem semper créscere mereámur. Per Dóminum.
Multíplica super nos, quæsumus, Dómine, misericórdiam tuam, ut, sicut in beatárum vírginum N. et N. festivitáte pia devotióne lætámur, ita eárum perpétua societáte, te largiénte, fruámur. Per Dóminum.
Hymnus
Pro una virgine: Aptáta, virgo, lámpade
Pro pluribus virginibus: Iesu, coróna vírginum
Psalmodia
Ant. 1 Christum líbere confíteor, Christum ardénter sítio, cum Christo iúgiter esse cúpio.
Psalmus de dominica hebd. I.
Ant. 2 Benedícite, vírgines, Dóminum: iam seminátor casti consílii in vobis dona sua corónat.
Canticum de dominica hebd. I.
Ant. 3 Exsultábunt sancti in glória, quibus de carne et sánguine fúlgida est victória.
Psalmus de dominica hebd. I.
Lectio brevis Cant 8, 7
Aquæ multæ non potuérunt exstínguere caritátem, nec flúmina óbruent illam; si déderit homo omnem substántiam domus suæ pro dilectióne, quasi nihil despícient eum.
Responsorium breve
R/. Tibi dixit cor meum: * Quæsívi vultum tuum. Tibi dixit.
V/. Vultum tuum, Dómine, requíram. * Quæsívi vultum tuum. Glória Patri. Tibi dixit.
Ad Benedictus, ant.
Pro virgine et martyre: Beáta virgo, quæ, ábnegans semetípsam et tollens crucem suam, Dóminum æmuláta est, vírginum sponsum martyrúmque príncipem.
Pro virgine: Ecce prudens virgo migrávit ad Christum, fulgens inter choros vírginum sicut sol in virtúte cælésti.
Pro pluribus: Vírgines Dómini, Dóminum benedícite in ætérnum.
Christo, vírginum sponso et corónæ, lætis vócibus iubilémus et devóte eum exorémus, dicéntes: Iesu, coróna vírginum, audi nos.
Christe, quem sanctæ vírgines ut únicum sponsum dilexérunt,
—concéde ut nihil a tua caritáte nos séparet.
Qui Maríam, matrem tuam, regínam vírginum coronásti,
—da nos, eius intercessióne, cordis puritáte tibi iúgiter famulári.
Per intercessiónem ancillárum tuárum, quæ íntegro et indivíso corde semper de te sollícitæ fuérunt, ut essent sanctæ córpore et spíritu,
—præsta ut figúra huius mundi, quæ præterit, nos a te numquam ábstrahat.
Dómine Iesu, sponse, quem vírgines sapiéntes adventúrum exspectábant,
—concéde nobis, ut in spe vigilántes te præstolémur.
Per intercessiónem sanctæ N., quæ virgo fuit sápiens et de número prudéntum,
—præsta nobis innocéntiam vitæ et sapiéntiam.
Pater noster.
Oratio
Oratio propria; qua deficiente, dicitur ut infra (Pro pluribus):
Deus, qui te in puris manére córdibus ásseris, da nobis, beátæ N. vírginis intercessióne, per grátiam tuam tales exsístere, in quibus habitáre dignéris. Per Dóminum.
Vel:
Exáudi, quæsumus, Dómine, preces nostras, ut, qui beátæ N. vírginis virtútem devóte recólimus, in tui amóre permanére et usque in finem semper créscere mereámur. Per Dóminum.
Multíplica super nos, quæsumus, Dómine, misericórdiam tuam, ut, sicut in beatárum vírginum N. et N. festivitáte pia devotióne lætámur, ita eárum perpétua societáte, te largiénte, fruámur. Per Dóminum.
Hymnus Nunc, Sancte, nobis vel Certum tenéntes
Ant. Mihi adhærére Deo bonum est: pónere in Dómino Deo spem meam.
Psalmodia complementaris pro tertia
Lectio brevis Sap 8, 21a
Scivi quóniam áliter non possem esse cóntinens, nisi Deus det, et hoc ipsum erat sapiéntiæ scire, cuius esset hoc donum.
V/. Hæc est virgo sápiens.
R/. Quam Dóminus vigilántem invénit.
Oratio
Oratio propria; qua deficiente, dicitur ut infra (Pro pluribus):
Deus, qui te in puris manére córdibus ásseris, da nobis, beátæ N. vírginis intercessióne, per grátiam tuam tales exsístere, in quibus habitáre dignéris. Per Christum
Vel:
Exáudi, quæsumus, Dómine, preces nostras, ut, qui beátæ N. vírginis virtútem devóte recólimus, in tui amóre permanére et usque in finem semper créscere mereámur. Per Christum.
Pro pluribus:
Multíplica super nos, quæsumus, Dómine, misericórdiam tuam, ut, sicut in beatárum vírginum N. et N. festivitáte pia devotióne lætámur, ita eárum perpétua societáte, te largiénte, fruámur. Per Christum.
Hymnus Rector potens vel Dicámus laudes
Ant. Súscipe me, Dómine, secúndum elóquium tuum, et vivam: et non confúndas me ab exspectatióne mea.
Psalmodia complementaris pro sexta
Lectio brevis 1 Cor 7, 25
De virgínibus præcéptum Dómini non hábeo, consílium autem do, tamquam misericórdiam consecútus a Dómino ut sim fidélis.
V/. Hæc est virgo sápiens.
R/. Et una de número prudéntum.
Oratio
Oratio propria; qua deficiente, dicitur ut infra (Pro pluribus):
Deus, qui te in puris manére córdibus ásseris, da nobis, beátæ N. vírginis intercessióne, per grátiam tuam tales exsístere, in quibus habitáre dignéris. Per Christum.
Vel:
Exáudi, quæsumus, Dómine, preces nostras, ut, qui beátæ N. vírginis virtútem devóte recólimus, in tui amóre permanére et usque in finem semper créscere mereámur. Per Christum.
Pro pluribus:
Multíplica super nos, quæsumus, Dómine, misericórdiam tuam, ut, sicut in beatárum vírginum N. et N. festivitáte pia devotióne lætámur, ita eárum perpétua societáte, te largiénte, fruámur. Per Christum.
Hymnus Rerum, Deus vel Ternis horárum
Ant. O quam pulchra est casta generátio cum claritáte.
Psalmodia complementaris pro nona
Lectio brevis Ap 19, 6b. 7
Regnávit Dóminus, Deus noster omnípotens. Gaudeámus et exsultémus et demus glóriam ei, quia venérunt núptiæ Agni, et uxor eius præparávit se.
V/. Invéni quem díligit ánima mea.
R/. Ténui eum nec dimíttam.
Oratio
Oratio propria; qua deficiente, dicitur ut infra (Pro pluribus):
Deus, qui te in puris manére córdibus ásseris, da nobis, beátæ N. vírginis intercessióne, per grátiam tuam tales exsístere, in quibus habitáre dignéris. Per Christum.
Vel:
Exáudi, quæsumus, Dómine, preces nostras, ut, qui beátæ N. vírginis virtútem devóte recólimus, in tui amóre permanére et usque in finem semper créscere mereámur. Per Christum.
Multíplica super nos, quæsumus, Dómine, misericórdiam tuam, ut, sicut in beatárum vírginum N. et N. festivitáte pia devotióne lætámur, ita eárum perpétua societáte, te largiénte, fruámur. Per Christum.
Hymnus Iesu, coróna vírginum
Lectio brevis 1 Cor 7, 32b. 34a
Qui sine uxóre est, sollícitus est, quæ Dómini sunt, quómodo pláceat Dómino. Et múlier innúpta et virgo cógitat, quæ Dómini sunt, ut sit sancta et córpore et spíritu.
Responsorium breve
R/. Afferéntur Regi vírgines * In exsultatióne. Afferéntur.
V/. Adducéntur in templum Regis. * In exsultatióne. Glória Patri. Afferéntur.
Ad Magnificat, ant.
Pro virgine et martyre: In una hóstia dúplicem celebrámus corónam, pudóris et religiónis. Et virgo permánsit, et martýrium obtínuit.
Pro virgine: Veni, sponsa Christi, áccipe corónam, quam tibi Dóminus præparávit in ætérnum.
Pro pluribus: Hæc est generátio quæréntium Dóminum, quæréntium fáciem Dei nostri.
Christum, qui virginitátem propter regnum cælórum coléntes laudávit, festíve celebrémus et exorémus, dicéntes: Iesu, rex vírginum, audi nos.
Christe, qui Ecclésiam vírginem castam tibi uni Sponso exhibuísti,
—immaculátam eam redde et sanctam.
Christe, cui óbviam vírgines sanctæ cum lampádibus exiérunt,
—ne permíttas umquam fidelitátis óleum in lampádibus tibi devotárum ancillárum defícere.
Dómine, cui Ecclésia virgo fidem tibi datam íntegram et puram iúgiter custodívit,
—concéde christiánis ómnibus fídei integritátem et puritátem.
Qui tríbuis pópulo tuo de sanctæ vírginis N. festivitáte gaudére,
—præsta, ut de eius étiam semper intercessióne lætétur.
Qui ad cenam nuptiárum tuárum sanctas vírgines recepísti,
—defúnctos in aulam cæléstis convívii benígnus admítte.
Pater noster.
Oratio
Oratio propria; qua deficiente, dicitur ut infra (Pro pluribus):
Deus, qui te in puris manére córdibus ásseris, da nobis, beátæ N. vírginis intercessióne, per grátiam tuam tales exsístere, in quibus habitáre dignéris. Per Dóminum.
Vel:
Exáudi, quæsumus, Dómine, preces nostras, ut, qui beátæ N. vírginis virtútem devóte recólimus, in tui amóre permanére et usque in finem semper créscere mereámur. Per Dóminum.
Multíplica super nos, quæsumus, Dómine, misericórdiam tuam, ut, sicut in beatárum vírginum N. et N. festivitáte pia devotióne lætámur, ita eárum perpétua societáte, te largiénte, fruámur. Per Dóminum.