IULIUS
S. THOMÆ, APOSTOLI
Festum
Thomas inter Apostolos agnoscitur præcipue ob eius incredulitatem, quæ evanuit coram Christo resuscitato; et sic fidem paschalem Ecclesiæ proclamavit: «Dominus meus et Deus meus!». Nihil certi scitur de eius vita, præter indicia quæ in Evangelio habentur. Apostolus Indicos populos evangelizasse fertur. A sæculo VI celebratio translationis eius corporis die 3 iulii Edessæ memoratur.
De Communi Ap. Ad Invitatorium
Ad Officium lectionis
Ad Laudes matutinas
De Communi Ap. Ad Horam mediam
Ad Vesperas
Oratio
Da nobis, omnípotens Deus, beáti Thomæ apóstoli festivitáte gloriári, ut eius semper et patrocíniis sublevémur, et vitam credéntes habeámus in nómine eius, quem ipse Dóminum agnóvit, Iesum Christum Fílium tuum. Qui tecum vivit.
S. ELISABETH LUSITANIÆ
Aragoniæ regibus orta, nata est anno 1271; puellula regi Lusitaniæ nuptui tradita, duos peperit filios. Ærumnas et difficultates fortiter sustinuit orando et opera caritatis exercendo. Viro defuncto, bona pauperibus distribuit et habitum Tertii Ordinis S. Francisci suscepit. Dum pacem firmaret inter filium et generum, morte occubuit anno 1336.
De Communi Sanctarum Mulierum: Pro Iis Qui Opera Misericordiæ Exercuerunt.
Ad Invitatorium (De Communi sanct. mulierum)
De Communi PIQOME Ad Officium lectionis
Lectio altera
De Communi PIQOME Ad Laudes matutinas
De Communi PIQOME Ad II Vesperas
Oratio
Deus, auctor pacis et amátor caritátis, qui beátam Elísabeth mira dissidéntes componéndi grátia decorásti, da nobis, eius intercessióne, pacis ópera exercére, ut fílii Dei nominári possímus. Per Dóminum.
S. ANTONII MARIÆ ZACCARIA, PRESBYTERI
Cremonæ in Longobardia natus est anno 1502; medicinæ studuit Patavii et, sacerdotio initiatus, Societatem Clericorum S. Pauli seu Barnabitarum instituit, quæ in reformandis fidelium moribus multum adlaboravit. Mortuus est anno 1539.
De Communi Pastorum: pro presbyteris, vel Sanctorum Virorum: Pro Educatoribus, vel Pro Religiosis.
Ad Invit. de Com. Past. vel S. Virorum vel Pro Rel.
Ad Off. lect. de Com. Past. vel Pro. Ed. vel Pro Rel.
Lectio altera
Ad Laud. mat. de Com. Past. vel Pro Ed. vel Pro Rel.
Ad II Vesp. de Com. Past. vel Pro Ed. vel Pro Rel.
Oratio
Da nobis, Dómine, ut supereminéntem Iesu Christi sciéntiam spíritu Pauli apóstoli prosequámur, qua beátus Antónius María erudítus verbum salútis in Ecclésia tua iúgiter prædicávit. Per Dóminum.
S. MARIÆ GORETTI, VIRGINIS ET MARTYRIS
Nata est Corinaldi in Italia anno 1890 ex paupere familia. Prope Neptunum pueritiam transegit asperam, matrem adiuvans in re domestica; piam indolem cum haberet, in oratione assidua erat. Anno 1902, ad castitatem tutandam contra aggressorem, mori maluit quam fœdari et pugionis ictibus confossa est.
De Communi Martyris, vel Virginum.
Ad Invit. de Com. Mart. vel Virg.
Ad Off. lect. de Com. Mart. vel Virg.
Lectio altera
Ad Laud. mat. de Com. Mart. vel Virg.
Ad II Vesp. de Com. Mart. vel Virg.
Oratio
Deus, innocéntiæ auctor et castitátis amátor, qui fámulæ tuæ Maríæ iuveníli ætáte martýrii grátiam contulísti, da nobis, quæsumus, eius intercessióne, in tuis mandátis constántiam, qui dedísti certánti vírgini corónam. Per Dóminum.
SS. AUGUSTINI ZHAO RONG, PRESBYTERI, ET SOCIORUM, MARTYRUM
Natus est Augustinus in Sinis anno 1746 et, a militia imperatoris ad fidem perseverantia sanctorum martyrum conversus, sacerdos factus est atque ob confessionem et prædicationem Evangelii anno 1815 ipse martyr occubuit. Una cum eo commemorantur permulti socii martyres Ecclesiæ Dei, qui, episcopi, presbyteri, religiosi ac religiosæ necnon laici viri, mulieres, pueri, puellæ et parvuli, variis in ætatibus et locis Sinarum Christi divitias verbo et opere inter angustias testati sunt.
De Communi plurimorum martyrum.
De Communi Mart. Ad Invitatorium
De Communi Mart. Ad Officium lectionis
Lectio altera
De Communi Mart. Ad Laudes matutinas
De Communi Mart. Ad II Vesperas
Oratio
Deus, qui per sanctórum mártyrum Augustíni et sociórum confessiónem Ecclésiam tuam mirábili dispensatióne roborásti, concéde ut pópulus tuus, missióni sibi créditæ fidélis, et increménta libertátis accípiat et veritátem coram mundo testificétur. Per Dóminum.
S. BENEDICTI, ABBATIS
Memoria
Nursiæ in Umbria natus est circa annum 480; Romæ educatus, vitam eremiticam in regione Sublacensi inchoavit, ubi discipulos congregavit, deinde Casinum se contulit. Ibi celebre condidit monasterium et regulam scripsit, qua in omnes regiones propagata, appellari meruit patriarcha monastici instituti in occidente. Mortuus est die 21 martii anno 547; sed, iam sæculo VIII exeunte, in pluribus regionibus, hac die memoria eius colebatur.
De Communi Sanctorum Virorum: Pro Religiosis, præter sequentia:
De Communi PR Ad Invitatorium
Ad Officium lectionis
Ad Laudes matutinas
Ad Horam mediam (De Communi sanct. virorum)
Ad Vesperas
Oratio
Deus, qui beátum Benedíctum abbátem in schola divíni servítii præclárum constituísti magístrum, tríbue, quæsumus, ut, amóri tuo nihil præponéntes, viam mandatórum tuórum dilatáto corde currámus. Per Dóminum.
S. HENRICI
Natus est in Bavaria anno 973; patri successit in regimine ducatus et postea imperator electus est. Reformanda vita Ecclesiæ et actione missionaria fovenda insignis fuit. Plures episcopatus fundavit et monasteria ditavit. Mortuus est anno 1024 et ab Eugenio III inter sanctos adscriptus anno 1146.
De Communi Sanctorum Virorum.
De Communi SVir. Ad Invitatorium
De Communi SVir. Ad Officium lectionis
Lectio altera
De Communi SVir. Ad Laudes matutinas
De Communi SVir. Ad II Vesperas
Oratio
Deus, qui beátum Henrícum, grátiæ tuæ ubertáte prævéntum, e terréni cura regíminis ad supérna mirabíliter erexísti, eius nobis intercessióne largíre, ut inter mundánas varietátes puris ad te méntibus festinémus. Per Dóminum.
S. CAMILLI DE LELLIS, PRESBYTERI
Natus est propre Theate (Chieti) in Aprutio, anno 1550; rem militarem prius secutus, deinde conversus curæ ægrotorum se devovit. Studiis perfectis et sacerdotio initiatus, societatem condidit, cuius membra ægrotis inservirent. Romæ mortuus est anno 1614.
De Communi Sanctorum Virorum: Pro Iis Qui Opera Misericordiæ Exercuerunt.
Ad Invitatorium (De Communi sanct. virorum)
De Communi PIQOME Ad Officium lectionis
Lectio altera
De Communi PIQOME Ad Laudes matutinas
De Communi PIQOME Ad II Vesperas
Oratio
Deus, qui sanctum Camíllum presbýterum caritátis in infírmos singulári grátia decorásti, eius méritis, spíritum nobis tuæ dilectiónis infúnde, ut, tibi in frátribus serviéntes, ad te, hora éxitus nostri, secúri transíre possímus. Per Dóminum.
S. BONAVENTURÆ, EPISCOPI ET ECCLESIÆ DOCTORIS
Memoria
Natus est circiter annum 1218 Balneoregii (Bagnoregio) in Etruria; philosophiæ et theologiæ Parisiis incubuit, et magister renuntiatus, sodales suos ex Ordine Minorum eas magno cum emolumento docuit. Minister generalis sui Ordinis electus, prudentia et sapientia illum rexit. Episcopus cardinalis Albanensis creatus, anno 1274 mortuus est Lugduni. Multa scripsit ad disciplinas theologicas et philosophicas illustrandas.
De Communi Pastorum: pro episcopis, et Doctorum Ecclesiæ.
De Communi Doct. Ad Invitatorium
De Communi Doct. Ad Officium lectionis
Lectio altera
De Communi Doct. Ad Laudes matutinas
De Communi Doct. Ad II Vesperas
Oratio
Da, quæsumus, omnípotens Deus, ut, beáti Bonaventúræ epíscopi natalícia celebrántes, et ipsíus proficiámus eruditióne præclára, et caritátis ardórem iúgiter æmulémur. Per Dóminum.
BEATÆ MARIÆ VIRGINIS DE MONTE CARMELO
Sacris Scripturis celebratur pulchritudo Carmeli, ubi Elias propheta defendebat puritatem fidei Israel in Deo viventi. Sæculo XII, quidam eremitæ in eodem monte secesserunt, postea Ordinem constituerunt, ad vitam contemplativam ducendam sub patrocinio sanctæ Dei Genetricis Mariæ.
De Communi Beatæ Mariæ Virginis.
De Communi BMV Ad Invitatorium
De Communi BMV Ad Officium lectionis
Lectio altera
Ad Laudes matutinas
Ad Vesperas
Oratio
Adiuvet nos, quæsumus, Dómine, gloriósæ Vírginis Maríæ intercéssio veneránda, ut, eius muníti præsídiis, ad montem, qui Christus est, perveníre valeámus. Qui tecum vivit.
S. APOLLINARIS, EPISCOPI ET MARTYRIS
Investigabiles divitias Christi ínter gentes propagans, secundo sæculo exeunte, ut videtur, Ecclesiam Classensem apud Ravennam in Flaminia episcopus duxisse et inclito martyrii honore decoravisse traditur. Die vero 23 iulii ad Dominum migravit.
Ad Offícium lectionis
De Communi Mart. Ad Invitatorium
De Communi Mart. Ad Officium lectionis
Lectio altera
De Communi Mart. Ad Laudes matutinas
De Communi Mart. Ad II Vesperas
Oratio
Dírige fidéles tuos, Dómine, in viam salútis ætérnæ, quam beátus Apollináris epíscopus doctrína et martýrio monstrávit, et fac nos, eódem intercedénte, sic in mandátis tuis perseveráre, ut cum ipso coronári mereámur. Per Dóminum.
S. LAURENTII DE BRINDISI, PRESBYTERI ET ECCLESIÆ DOCTORIS
Natus est anno 1559; inter Fratres Capuccinos adscriptus, sodales theologiam docuit et muneribus auctus est. Ut prædicator assiduus et efficax Europam perlustravit; multa etiam conscripsit opera ad fidem illustrandam. Mortuus est Ulisippone (Lisboa) anno 1619.
De Communi Pastorum: pro presbyteris, et Doctorum Ecclesiæ.
De Communi Doct. Ad Invitatorium
De Communi Doct. Ad Officium lectionis
Lectio altera
De Communi Doct. Ad Laudes matutinas
De Communi Doct. Ad II Vesperas
Oratio
Deus, qui pro nóminis tui glória et animárum salúte beáto Lauréntio presbýtero spíritum consílii et fortitúdinis contulísti, da nobis, in eódem spíritu, et agénda cognóscere, et cógnita, eius intercessióne, perfícere. Per Dóminum.
S. MARIÆ MAGDALENÆ
Memoria
Inter discipulos Christi adscita, eius morti affuit et summo mane Paschatis prima meruit Redemptorem videre a mortuis resuscitatum (Mc 16, 9). Eius cultus præcipue sæculo XII in Ecclesia occidentali diffusus est.
De Communi Sanctarum Mulierum, præter sequentia:
De Communi SMul. Ad Invitatorium
Ad Officium lectionis
Ad Laudes matutinas
De Communi SMul. Ad Horam mediam
Ad Vesperas
S. BIRGITTÆ, RELIGIOSÆ
Nata est in Suecia anno 1303; adhuc puella matrimonio iuncta, octo genuit filios quos optime educavit. Tertio Ordini S. Francisci adscripta, post mortem viri vitam magis asceticam aggressa est quamquam in mundo vivebat. Tunc Ordinem religiosum fundavit et Romam profecta omnibus exemplar exstitit magnarum virtutum. Iter pænitentiæ causa suscepit et multa scripsit opera in quibus res mysticas, quas ipsa experta erat, enarravit. Romæ mortua est anno 1373.
De Communi Sanctarum Mulierum: Pro Religiosis.
De Communi PR Ad Invitatorium
De Communi PR Ad Officium lectionis
Lectio altera
De Communi PR Ad Laudes matutinas
Ad Horam mediam (De Communi sanct. mulierum)
De Communi PR Ad II Vesperas
Oratio
Dómine Deus noster, qui beátæ Birgíttæ, Fílii tui passiónem meditánti, secréta cæléstia revelásti, da nobis fámulis tuis in revelatióne glóriæ tuæ gaudére lætántes. Per Dóminum.
S. SARBELII MAKHLÜF, PRESBYTERI
Natus est in vico Biqa’ Kafra in Libano anno 1828. Ordinem libanensium Maronitarum ingressus, Sarbelii nomen accepit et, sacerdotio auctus, arctæ solitudinis et altioris perfectionis studiosus, e cœnobio Annaiæ in eremum secessit, ubi summa vitæ asperitate, continuis ieiuniis et obsecrationibus Deo servivit et die 24 decembris 1898 pie obdormivit in Domino.
De Communi pastorum: pro presbyteris, vel sanctorum virorum: pro religiosis.
Ad Invit. de Com. Past. vel Pro Rel.
Ad Off. lect. de Com. Past. vel Pro Rel.
Lectio altera
Ad Laud. mat. de Com. Past. vel Pro Rel.
Ad II Vesp. de Com. Past. vel Pro Rel.
Oratio
Deus, qui sanctum Sarbélium, presbýterum, ad singulárem pugnam erémi vocásti et omni génere pietátis imbuísti, concéde nobis, quæsumus, ut imitatóres domínicæ passiónis effécti regno eius mereámur esse consórtes. Per Dóminum.
S. IACOBI, APOSTOLI
Festum
Filius Zebedæi et frater Ioannis apostoli, natus est Bethsaidæ. Præcipuis miraculis a Domino patratis interfuit. Ab Herode occisus est circiter annum 42. Colitur maxime Compostellæ in Hispania, ubi insignis exstat ecclesia eius nomini dicata.
De Communi Apostolorum, præter sequentia:
(De Communi Ap. Ad I Vesperas)
De Communi Ap. Ad Invitatorium
Ad Officium lectionis
Ad Laudes matutinas
De Communi Ap. Ad Horam mediam
Ad Vesperas
Oratio
Omnípotens sempitérne Deus, qui Apostolórum tuórum primítias beáti Iacóbi sánguine dedicásti, da, quæsumus, Ecclésiæ tuæ ipsíus confessióne firmári, et iúgiter patrocíniis confovéri. Per Dóminum.
SS. IOACHIM ET ANNÆ, PARENTUM BEATÆ MARIÆ VIRGINIS
Memoria
Ex antiqua traditione, iam sæculo II invecta, his nominibus appellati sunt parentes beatissimæ Virginis Mariæ. Sanctæ Annæ cultus iam a sæculo VI in oriente tributus est, diffususque in occidente sæculo X; recentiore ætate sanctus Ioachim excultus est.
De Communi Sanctorum Virorum, præter sequentia:
De Communi SVir. Ad Invitatorium
Ad Officium lectionis
Ad Laudes matutinas
Ad Vesperas
S. MARTHÆ
Memoria
Soror erat Mariæ et Lazari; Bethaniæ cum hospitio Dominum excepisset, ei diligenter ministravit et suis orationibus resurrectionem fratris impetravit.
De Communi Sanctarum Mulierum, præter sequentia:
De Communi SMul. Ad Invitatorium
Ad Officium lectionis
Ad Laudes matutinas
Ad Vesperas
Oratio
Omnípotens sempitérne Deus, cuius Fílius in domo beátæ Marthæ dignátus est hospitári, da, quæsumus, ut, eiúsdem intercessióne, Christo in frátribus nostris fidéliter ministrántes, in æde cælésti a te récipi mereámur. Per Dóminum.
S. PETRI CHRYSOLOGI, EPISCOPI ET ECCLESIÆ DOCTORIS
Natus est circiter annum 380 ad Forum Cornelii (Imola) in Æmilia, ibique clericis se adiunxit. Anno 424 episcopus Ravennæ electus est et gregem, cuius erat studiosissimus, sermonibus et operibus erudivit. Mortuus est circa annum 450.
De Communi Pastorum: pro episcopis, et Doctorum Ecclesiæ.
De Communi Doct. Ad Invitatorium
De Communi Doct. Ad Officium lectionis
Lectio altera
De Communi Doct. Ad Laudes matutinas
De Communi Doct. Ad II Vesperas
Oratio
Deus, qui beátum Petrum Chrysólogum epíscopum Verbi tui incarnáti præcónem egrégium effecísti, eius nobis intercessióne concéde, ut tuæ salútis mystéria et iúgiter scrutémur in corde, et fidéliter significémus in ópere. Per Dóminum.
S. IGNATII DE LOYOLA, PRESBYTERI
Memoria
Natus est anno 1491 Loyolæ in Cantabria; in aula regia et in militia vitam egit; postea ad Deum conversus, Lutetiæ Parisiorum studia theologica complevit et primos socios sibi adscivit, quos postea Romæ in Societatem constituit. Fructuosum exercuit apostolatum et opera conscribendo et discipulos instituendo, qui de Ecclesiæ instauratione optime meriti sunt. Mortuus est Romæ anno 1556.
De Communi Pastorum: pro presbyteris, vel Sanctorum Virorum: Pro Religiosis.
Ad Invit. de Com. Past. vel Pro Rel.
Ad Off. lect. de Com. Past. vel Pro Rel.
Lectio altera
Ad Laudes matutinas
Ad Vesperas
Oratio
Deus, qui, ad maiórem tui nóminis glóriam propagándam, beátum Ignátium in Ecclésia tua suscitásti, concéde, ut, eius auxílio et imitatióne certántes in terris, coronári cum ipso mereámur in cælis. Per Dóminum.