Die 14 augusti
S. MAXIMILIANI MARIÆ KOLBE, PRESBYTERI ET MARTYRIS
Memoria
De Communi unius martyris, vel pastorum: pro presbyteris, præter sequentia:
Ad Officium lectionis
Ex Epístolis sancti Maximiliáni Maríæ Kolbe (O. Joachim Roman Bar, O.F.M. Conv., ed., Wybór Pism, Warszawa 1973, 41-42; 226)
Apostolicus impendendus zelus in procuranda animarum salute et sanctificatione
Cum autem Dei glória in animárum salúte, quas Christus próprio sánguine redémit, quam máxime respléndeat, áltius ac præcípuum apostólicæ vitæ stúdium illud esto, quamplúrium animárum salútem immo et altiórem sanctificatiónem procuráre. Quæ vero in hunc finem áptior præsto sit via, scílicet ad divínam comparándam glóriam necnon plurimárum animárum sanctificatiónem, paucis dicam. Deus, qui infiníta sciéntia ac sapiéntia est, adeóque quid a nobis contínuo præstándum sit ut eius adaugeátur glória óptime novit, voluntátem suam nobis per suos in terris vices geréntes, ut plúrimum, maniféstat.
Quæ ómnia expedítius per Vírginem Immaculátam obtinébimus, cui Deus benigníssimus suæ dispensatiónem misericórdiæ commísit. Nullum équidem dúbium, quin Maríæ volúntas ipsíssima Dei volúntas nobis sit. Cumque nosmetípsos eídem dedicámus, instruménta in eius mánibus, quemádmodum et ipsa in Dei mánibus, divínæ misericórdiæ effícimur. Sinámus ítaque nos ab ea dírigi, sinámus ab ea manudúci, simúsque sub eius ductu quiéti ac secúri: cuncta enim nobis ipsa prospíciet, cuncta providébit, córporis animíque necessitátibus prompta succúrret, difficultátes et angústias ipsa removébit.
Responsorium Eph 5, 1-2; 6, 6b
R/. Estóte imitatóres Dei, sicut fílii caríssimi, et ambuláte in dilectióne, sicut et Christus diléxit nos et trádidit seípsum pro nobis. * Oblatiónem et hóstiam Deo in odórem suavitátis.
V/. Ut servi Christi faciéntes voluntátem Dei ex ánimo. * Oblatiónem.
Ad Laud. mat. de Com. Mart. vel Past.
Ad Benedictus, ant. Magnificábitur Christus in córpore meo, sive per vitam sive per mortem. Mihi enim vívere Christus est et mori lucrum.
Preces de Com. Mart. vel Past.
Die 15 augusti
IN ASSUMPTIONE BEATÆ MARIÆ VIRGINIS
Sollemnitas
Hymnus
Ant. 1 Ascéndit Christus super cælos, et præparávit suæ castíssimæ Matri immortalitátis locum, allelúia.
Psalmodia de Communi B. Mariæ V.
Ant. 2 Paradísi porta per Evam cunctis clausa est et per Maríam Vírginem íterum patefácta est, allelúia.
Ant. 3 Exaltáta est Virgo María super omnes cælos; veníte, omnes: magnificémus Christum regem, cuius regnum est ómnium sæculórum.
Lectio brevis Rom 8, 30
Quos Deus prædestinávit, hos et vocávit; et quos vocávit, hos et iustificávit; quos autem iustificávit, illos et glorificávit.
Responsorium breve
R/. Assúmpta est María in cælum, * Gaudent ángeli. Assúmpta.
V/. Laudántes benedícunt Dóminum. * Gaudent ángeli. Glória Patri. Assúmpta.
Ad Magnificat, ant. Beátam me dicent omnes generatiónes, quia fecit mihi magna qui potens est, allelúia.
Preces
Deum Patrem omnipoténtem magnis láudibus extollámus, qui Maríam matrem Fílii sui ab ómnibus generatiónibus celebrári vóluit, et ab eo súpplices petámus: Plenam grátia intuére, et exáudi nos.
Deus, mirabílium patrátor, qui immaculátam Vírginem Maríam córpore et ánima cæléstis glóriæ Christi fecísti consórtem,
—filiórum tuórum corda ad eándem glóriam dírige.
Qui Maríam dedísti nobis matrem, ipsa intercedénte, concéde medélam lánguidis, solámen mæréntibus, véniam peccatóribus,
—et ómnibus salútem et pacem.
Qui Maríam plenam grátia fecísti,
—lætam grátiæ tuæ cópiam ómnibus concéde.
Ecclésia tua sit cor unum et ánima una in caritáte,
—et fidéles persevérent unánimes in oratióne cum María, matre Iesu.
Qui Maríam cæli coronásti regínam,
—fac ut defúncti in regno tuo cum sanctórum ágmine gáudeant in ætérnum.
Pater noster.
Oratio
Deus, qui beátam Vírginem Maríam, eius humilitátem respíciens, ad hanc grátiam evexísti, ut Unigénitus tuus ex ipsa secúndum carnem nascerétur, et hodiérna die superexcellénti glória coronásti, eius nobis précibus concéde, ut, redemptiónis tuæ mystério salváti, a te exaltári mereámur. Per Dóminum.
V/. Dómine, lábia.
Ant. Veníte adorémus Regem regum, cuius hódie ad æthéreum Virgo Mater assúmpta est cælum.
Veníte, exsultémus vel Iubiláte Dómino vel Deus misereátur nostri vel Dómini est terra.
Hymnus
Auróra velut fúlgida,
ad cæli meat cúlmina
ut sol María spléndida,
tamquam luna pulchérrima.
Regína mundi hódie
thronum conscéndit glóriæ,
illum eníxa Fílium
qui est ante lucíferum.
Assúmpta super ángelos
omnésque choros cælitum,
cuncta sanctórum mérita
transcéndit una fémina.
Quem fóverat in grémio,
locárat in præsépio,
nunc regem super ómnia
Patris videt in glória.
Pro nobis, Virgo vírginum,
tuum depósce Fílium,
per quam nostra suscéperat,
ut sua nobis præbeat.
Sit laus Patri cum Fílio
et Spíritu Paráclito,
qui te præ cunctis cælica
exornavérunt glória. Amen.
Ant. 1 Surge, Virgo Regína, et, ætérno digna decóre, conscénde præclárum palátium Regis ætérni.
Psalmi de Communi B. Mariæ V.
Ant. 2 Elégit eam Deus et præelégit eam, in tabernáculo suo habitáre fecit eam.
Ant. 3 Gloriósa dicta sunt de te, Virgo María.
V/. Beáta es, María, quæ credidísti Dómino.
R/. Perfécta sunt in te quæ dicta sunt tibi.
Lectio prior
De Epístola beáti Pauli apóstoli ad Ephésios 1, 16 — 2, 10
Deus consedere fecit nos in cælestibus in Christo Iesu
Fratres: Non cesso grátias agens pro vobis memóriam fáciens in oratiónibus meis ut Deus Dómini nostri Iesu Christi, Pater glóriæ, det vobis Spíritum sapiéntiæ et revelatiónis in agnitióne eius, illuminátos óculos cordis vestri, ut sciátis quæ sit spes vocatiónis eius, quæ divítiæ glóriæ hereditátis eius in sanctis et quæ sit superéminens magnitúdo virtútis eius in nos, qui crédimus, secúndum operatiónem poténtiæ virtútis eius, quam operátus est in Christo súscitans illum a mórtuis et constitúens ad déxteram suam in cæléstibus supra omnem principátum et potestátem et virtútem et dominatiónem et omne nomen, quod nominátur, non solum in hoc sæculo sed et in futúro; et ómnia subiécit sub pédibus eius, et ipsum dedit caput supra ómnia ecclésiæ, quæ est corpus ipsíus, plenitúdo eius, qui ómnia in ómnibus adimplétur.
Et vos, cum essétis mórtui delíctis et peccátis vestris, in quibus aliquándo ambulástis secúndum sæculum mundi huius, secúndum príncipem potestátis áeris, spíritus, qui nunc operátur in fílios diffidéntiæ; in quibus et nos omnes aliquándo conversáti sumus in concupiscéntiis carnis nostræ faciéntes voluntátes carnis et cogitatiónum, et erámus natúra fílii iræ sicut et céteri. Deus autem, qui dives est in misericórdia, propter nímiam caritátem suam, qua diléxit nos, et cum essémus mórtui peccátis, convivificávit nos Christo — grátia estis salváti — et conresuscitávit et consedére fecit in cæléstibus in Christo Iesu, ut osténderet in sæculis superveniéntibus abundántes divítias grátiæ suæ in bonitáte super nos in Christo Iesu.
Grátia enim estis salváti per fidem; et hoc non ex vobis, Dei donum est: non ex opéribus, ut ne quis gloriétur. Ipsíus enim sumus factúra, creáti in Christo Iesu in ópera bona, quæ præparávit Deus, ut in illis ambulémus.
Responsorium
R/. O quam pulchra et speciósa est María Virgo, quæ de hoc mundo migrávit ad Christum. * Inter choros sanctórum fulget sicut sol in virtúte cælésti.
V/. Gaudent ángeli, exsúltant archángeli in Vírgine María. * Inter.
Lectio altera
Ex Constitutióne Apostólica Munificentíssimus Deus Pii papæ Duodécimi (AAS 42 [1950], 760-762. 767-769)
Corpus tuum sanctum est atque prægloriosum
Itaque sanctus Ioánnes Damascénus, qui præ céteris exímius tráditæ huius veritátis præco exstat, corpóream almæ Dei Matris Assumptiónem cum áliis eius dótibus ac privilégiis cómparans, hæc veheménti eloquéntia edícit: «Oportébat eam, quæ in partu illæsam serváverat virginitátem, suum corpus sine ulla corruptióne étiam post mortem conserváre. Oportébat eam, quæ Creatórem ut púerum in sinu gestáverat, in divínis tabernáculis commorári. Oportébat sponsam, quam Pater desponsáverat, in thálamis cæléstibus habitáre. Oportébat eam, quæ Fílium suum in cruce conspéxerat et, quem pariéndo effúgerat dolóris gládium, péctore excéperat, ipsum Patri considéntem contemplári. Oportébat Dei Matrem ea, quæ Fílii sunt, possidére et ab omni creatúra tamquam Dei Matrem et ancíllam éxcoli».
Sanctus Germánus Constantinopolitánus corpus Deíparæ Vírginis Maríæ incorrúptum fuísse et ad cælum evéctum non modo cum divína eius maternitáte consentáneum putábat, sed étiam cum peculiári sanctitáte eiúsdem virginális córporis: «Tu, secúndum quod scriptum est, in pulchritúdine appáres; et corpus tuum virginále totum sanctum est, totum castum, totum Dei domicílium; ita ut ex hoc étiam a resolutióne in púlverem deínceps sit aliénum; immutátum quidem, quátenus humánum, ad excélsam incorruptibilitátis vitam; idem vero vivum atque prægloriósum, incólume atque perféctæ vitæ párticeps».
Responsorium
R/. Ecce adest dies præclára, in qua Dei Génetrix Virgo cælos ascéndit; quam laudántes, omnes dícimus: * Benedícta tu in muliéribus, et benedíctus fructus ventris tui.
V/. Felix es, sacra Virgo María, et omni laude digníssima; quia ex te ortus est sol iustítiæ, Christus Deus noster. * Benedícta.
Hymnus Te Deum.
Oratio
Omnípotens sempitérne Deus, qui immaculátam Vírginem Maríam, Fílii tui Genetrícem, córpore et ánima ad cæléstem glóriam assumpsísti, concéde, quæsumus, ut, ad supérna semper inténti, ipsíus glóriæ mereámur esse consórtes. Per Dóminum.
Hymnus
Ant. 1 Beáta es, María, quia per te mundi salus advénit; iam gloriósa gaudes ante Dóminum.
Psalmus de dominica hebd. I.
Ant. 2 Exaltáta est Virgo María super choros angelórum; gáudeant omnes fidéles et benedícant Dóminum.
Canticum de dominica hebd. I.
Ant. 3 Nomen tuum ita magnificávit Dóminus, ut non recédat laus tua de ore hóminum.
Psalmus de dominica hebd. I.
Lectio brevis Cf. Is 61, 10
Gaudens gaudébo in Dómino, et exsultábit ánima mea in Deo meo, quia índuit me vestiméntis salútis et induménto iustítiæ circúmdedit me, quasi sponsam ornátam monílibus suis.
Responsorium breve
R/. Hódie María Virgo * Ad cælos ascéndit. Hódie.
V/. Et in ætérnum cum Christo triúmphat. * Ad cælos ascéndit. Glória Patri. Hódie.
Ad Benedictus, ant. Pulchra est et decóra fília Ierúsalem, quæ ascéndit sicut auróra consúrgens.
Preces
Salvatórem nostrum celebrántes, qui ex María Vírgine nasci dignátus est, exorémus dicéntes: Plenam grátia intuére, et exáudi nos.
Verbum ætérnum, quod Maríam habitatiónis tuæ arcam incorruptíbilem elegísti,
—líbera nos a corruptióne peccáti.
Redémptor noster, qui Vírginem Maríam thálamum puríssimum habitatiónis tuæ et Spíritus Sancti fecísti sacrárium,
—nos templum tui Spíritus fac perénne.
Rex regum, qui matrem tuam córpore et ánima tecum voluísti in cælum assúmptam,
—fac ut quæ sursum sunt semper cogitémus.
Dómine cæli et terræ, qui Maríam regínam a dextris tuis astáre fecísti,
—tríbue nos eiúsdem glóriæ meréri consórtium.
Pater noster.
Oratio
Omnípotens sempitérne Deus, qui immaculátam Vírginem Maríam, Fílii tui Genetrícem, córpore et ánima ad cæléstem glóriam assumpsísti, concéde, quæsumus, ut, ad supérna semper inténti, ipsíus glóriæ mereámur esse consórtes. Per Dóminum.
Hymnus Nunc, Sancte, nobis vel Certum tenéntes
Ant. Quasi cedrus exaltáta es in Líbano, et quasi cypréssus in monte Sion, sancta Dei Génetrix.
Psalmi graduales Series I: loco psalmi 121 (122), dici potest 128 (129) -Tertia 2-.Si vero occurrat dominica, dicuntur psalmi de dominica hebd. I (Psalmus 117 (118)
).
Lectio brevis Iudt 13, 17-18
Et obstúpuit omnis pópulus valde et inclinántes se adoravérunt Deum et dixérunt unánimes: Benedíctus es, Deus noster, qui ad níhilum redegísti inimícos pópuli tui in hodiérna die. Et dixit ad eam Ozias: Benedícta tu es, fília, a Deo excélso præ ómnibus muliéribus, quæ sunt super terram.
V/. Assúmpta est María in cælum, gaudent ángeli.
R/. Laudántes benedícunt Dóminum.
Hymnus Rector potens vel Dicámus laudes
Ant. Cæli regínam, María, te iure fatémur, ex cuius thálamo procéssit iustítiæ sol.
Psalmi graduales Series II. Si vero occurrat dominica, dicuntur psalmide dominica hebd. I (Psalmus 117 (118)
).
Lectio brevis Ap 12, 1
Signum magnum appáruit in cælo: múlier amícta sole, et luna sub pédibus eius, et super caput eius coróna stellárum duódecim.
V/. Exaltáta est sancta Dei Génetrix.
R/. Super choros angelórum ad cæléstia regna.
Hymnus Rerum, Deus vel Ternis horárum
Ant. Exaltáta est sancta Dei Génetrix super choros angelórum ad cæléstia regna.
Psalmi graduales Series III :loco psalmi 126 (127), dici potest 130 (131) -Nona 2-.Si vero occurrat dominica, dicuntur psalmide dominica hebd. I (Psalmus 117 (118)
).
Lectio brevis 2 Cor 5, 1
Scimus quóniam si terréstris domus nostra huius tabernáculi dissolvátur, ædificatiónem ex Deo habémus domum non manufáctam, ætérnam in cælis.
V/. María Virgo assúmpta est ad æthéreum thálamum.
R/. In quo Rex regum stelláto sedet sólio.
Omnípotens sempitérne Deus, qui immaculátam Vírginem Maríam, Fílii tui Genetrícem, córpore et ánima ad cæléstem glóriam assumpsísti, concéde, quæsumus, ut, ad supérna semper inténti, ipsíus glóriæ mereámur esse consórtes. Per Christum.
Hymnus
Ant. 1 Assúmpta est María in cælum, gaudent ángeli, laudántes benedícunt Dóminum.
Psalmodia de Communi B. Mariæ V.
Ant. 2 María Virgo assúmpta est ad æthéreum thálamum, in quo Rex regum stelláto sedet sólio.
Ant. 3 Benedícta fília tu a Dómino, quia per te fructum vitæ communicávimus.
Lectio brevis 1 Cor 15, 22-23
Sicut in Adam omnes moriúntur, ita et in Christo omnes vivificabúntur. Unusquísque autem in suo órdine: primítiæ Christus; deínde hi, qui sunt Christi.
Responsorium breve
R/. María Virgo exaltáta est * Super choros angelórum. María.
V/. Benedíctus Dóminus, qui exaltávit eam. * Super choros angelórum. Glória Patri. María.
Ad Magnificat, ant. Hódie María Virgo cælos ascéndit; gaudéte, quia cum Christo regnat in ætérnum.
Preces
Deum Patrem omnipoténtem magnis láudibus extollámus, qui Maríam matrem Fílii sui ab ómnibus generatiónibus celebrári vóluit, et ab eo súpplices petámus: Plenam grátia intuére, et exáudi nos.
Deus, mirabílium patrátor, qui immaculátam Vírginem Maríam córpore et ánima cæléstis glóriæ Christi fecísti consórtem,
—filiórum tuórum corda ad eándem glóriam dírige.
Qui Maríam dedísti nobis matrem, ipsa intercedénte, concéde medélam lánguidis, solámen mæréntibus, véniam peccatóribus,
—et ómnibus salútem et pacem.
Qui Maríam plenam grátia fecísti,
—lætam grátiæ tuæ cópiam ómnibus concéde.
Ecclésia tua sit cor unum et ánima una in caritáte,
—et fidéles persevérent unánimes in oratióne cum María, matre Iesu.
Qui Maríam cæli coronásti regínam,
—fac ut defúncti in regno tuo cum sanctórum ágmine gáudeant in ætérnum.
Pater noster.
Oratio
Omnípotens sempitérne Deus, qui immaculátam Vírginem Maríam, Fílii tui Genetrícem, córpore et ánima ad cæléstem glóriam assumpsísti, concéde, quæsumus, ut, ad supérna semper inténti, ipsíus glóriæ mereámur esse consórtes. Per Dóminum.
Post Completorium convenienter dicitur ant. Ave, Regína cælórum.
Die 16 augusti
S. STEPHANI HUNGARIÆ
De Communi sanctorum virorum.
Ad Officium lectionis
Ex Mónitis sancti Stéphani ad fílium (Cap. 1. 2. 10: PL 151, 1236-1237. 1242-1244)
Audi, fili mi, patris tui disciplinam
Responsorium Tob 4, 8; Sir 35, 11a. 12a
R/. Quómodo habúeris, fac eleemósynam. * Si tibi fúerit largior substántia, plus ex illa fac. Si exíguum habúeris, secúndum exíguum.
V/. In omni dato, hílarem fac vultum tuum; da Altíssimo secúndum datum eius. * Si tibi.
Die 19 augusti
S. IOANNIS EUDES, PRESBYTERI
De Communi pastorum: pro presbyteris, vel sanctorum virorum: pro religiosis.
Ad Officium lectionis
Ex Tractátu sancti Ioánnis Eudes presbýteri De admirábili corde Iesu (Lib. 1, 5: Opera omnia 6, 107. 113-115)
Te rogo ut cógites Dóminum nostrum Iesum Christum tuum esse verum caput, et te unum ex eius membris. Ipse tibi est sicut membris caput; ómnia sua, tua sunt: spíritus, cor, corpus, ánima omnésque facultátes, quibus ómnibus tibi uténdum est quasi tibi própria sint ut, ei sérviens, eum laudes, ames et glorífices. Tu autem ipsi es sicut membrum cápiti, quaprópter veheménter ipse optat ómnibus tuis facultátibus uti, quasi eius sint, ad Patri serviéndum eúmque glorificándum.
At non tantum ipse tibi est, sed vult étiam in te esse, in te vivens et dóminans sicut caput vivit et regnat in suis membris. Vult autem ut quidquid in eo est vivat et dominétur in te: eius spíritus in tuo spíritu, eius cor in tuo corde, omnes facultátes eius ánimi in tui ánimi facultátibus, ita ut in te adimpleántur hæc verba: Glorificáte et portáte Deum in córpore vestro, et vita Iesu manifestétur in vobis. Nec tantum tu es Dei Fílio, sed in ipso esse debes quemádmodum membra sunt in cápite. Quidquid in te est, in ipsum inseréndum est, vitámque ab eo excípere atque ab eo regi debes. Nulla erit tibi vera vita nisi in eo, qui unus est fons veræ vitæ; extra eum enim nónnisi mortem et intéritum invénies. Princípium sit ipse únicum tuórum mótuum, actiónum et vírium vitæ tuæ; de ipso et propter ipsum tibi vivéndum est, ut illa adímpleas verba: Nemo enim nostrum sibi vivit et nemo sibi móritur; sive enim vívimus Dómino vívimus, sive mórimur Dómino mórimur. Sive ergo vívimus sive mórimur, Dómini sumus. In hoc enim Christus mórtuus est et resurréxit, ut et mortuórum et vivórum dominétur. Unum dénique es cum ipso Iesu, sicut membra unum sunt cum cápite, ideóque unum debes cum eo spíritum habére, unam ánimam, unam vitam, unam voluntátem, unum consílium, unum cor. Et ipse tuus esse debet spíritus, cor, amor, vita omnéque tuum. Magna vero hæc oríginem in christifidéli ducunt a baptísmo, augéntur et corroborántur per confirmatiónem atque bonum exercítium ceterárum gratiárum, quæ a Deo ipsi participántur et per sanctam eucharístiam summópere perficiúntur.
Responsorium Rom 14, 9. 8b. 7-8a
R/. In hoc Christus et mórtuus est et vixit, ut et mortuórum et vivórum dominétur. * Sive ergo vívimus sive mórimur, Dómini sumus.
V/. Nemo nostrum sibi vivit, et nemo sibi móritur. Sive enim vívimus, Dómino vívimus; sive mórimur, Dómino mórimur. * Sive ergo.
Die 20 augusti
S. BERNARDI, ABBATIS ET ECCLESIÆ DOCTORIS
Memoria
De Communi doctorum Ecclesiæ, vel sanctorum virorum: pro religiosis, præter sequentia:
Ad Officium lectionis
Ex Sermónibus sancti Bernárdi abbátis super Cántica canticórum (Sermo 83, 4-6: Opera omnia, Edit. Cisterc. 2 [1958], 300-302)
Responsorium Ps 30 (31), 20a; 35 (36), 9
R/. Quam magna multitúdo dulcédinis tuæ, Dómine, * Quam abscondísti timéntibus te!
V/. Inebriabúntur ab ubertáte domus tuæ, et torrénte voluptátis tuæ potábis eos. * Quam abscondísti.
Hymnus
Bernárde, gemma cælitum,
laudes, tibi quas pángimus,
in nostra verte gáudia
salútis atque múnera.
Te Christus ussit íntimo
dilectiónis vúlnere
Sponsæque fecit próvidus
scutum, colúmnam, lámpada.
Almus dedit te Spíritus
os veritátis prófluum
et angelórum pábuli
arcána mella próferens.
Amóris æstu cándidi
te Virgo Mater ímbuit,
quam nemo te facúndius
vel prædicávit áltius.
Te quæsiérunt árbitrum
reges, magístri, præsules,
cultórque solitúdinis
fama replésti sæculum.
Sit Trinitáti glória,
quæ se vidéndam lárgiens,
tecum benígna gáudio
nos det perénni pérfrui. Amen.
Ad Laud. mat. de Com. Doct. vel Pro Rel.
Ad Benedictus, ant. Beátus Bernárdus, cuius ánima sempitérni Verbi mirífice fuit illustráta splendóribus, in univérsa Ecclésia fídei et doctrínæ lúmine radiávit.
Preces De Communi Pastorum.
Hymnus
Bernárde, gemma cælitum,
laudes, tibi quas pángimus,
in nostra verte gáudia
salútis atque múnera.
Te Christus ussit íntimo
dilectiónis vúlnere
Sponsæque fecit próvidus
scutum, colúmnam, lámpada.
Almus dedit te Spíritus
os veritátis prófluum
et angelórum pábuli
arcána mella próferens.
Amóris æstu cándidi
te Virgo Mater ímbuit,
quam nemo te facúndius
vel prædicávit áltius.
Te quæsiérunt árbitrum
reges, magístri, præsules,
cultórque solitúdinis
fama replésti sæculum.
Sit Trinitáti glória,
quæ se vidéndam lárgiens,
tecum benígna gáudio
nos det perénni pérfrui. Amen.
Ad Magnificat, ant. Bernárdus, doctor mellífluus, amícus Sponsi, Vírginis Matris præco miríficus, in Claraválle pastor effúlsit claríssimus.
Preces De Communi Pastorum.